ამნისტიის შესახებ კანონპროექტზე მუშაობა დაწყებულია. ამის შესახებ სასჯელაღსრულების მინისტრობის კანდიდატმა სოზარ სუბარმა მოქმედ მინისტრთან, გიორგი ტუღუშთან შეხვედრის წინ განაცხადა. მისი თქმით, ჯერ რთულია თქმა, ვის შეეხება ამნისტია.
„ამნისტია არ არის ერთადერთი გამოსავალი ციხეების განტვირთვისათვის, ამნისტიას უნდა დაემატოს შეკრებითობის პრინციპის გაუქმება და იმ პატიმრების საკითხების გადახედვა, რომლებიც ციხეებში უკანონოდ სხედან“, - განაცხადა სუბარმა.
მისივე თქმით, სამომავლოდ შეკრებითობის პრინციპის გაუქმებისა და მკაცრი სისხლის სამართლებრივი პოლიტიკის შეცვლის შედეგად ქვეყანაში ამდენი პატიმარი აღარ იქნება.
ამასთან, სოზარ სუბარმა მომავალი სახალხო დამცველის შესახებაც გააკეთა კომენტარი. მისი თქმით, სახალხო დამცველი შეირჩევა პარლამენტის შეკრების შემდეგ, სამოქალაქო საზოგადოებასთან მჭიდრო თანამშრომლობის შედეგად.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
