06:43, Saturday, 14.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თამაზ მოლაშვილი შვილის სამოქალაქო საავადმყოფოში გადაყვანას მოითხოვს

18.10.2012
 
თამაზ მოლაშვილი, „უფლებადამცველთა გაერთიანება“ და ადვოკატი გელა ნიკოლაიშვილი თორნიკე მოლაშვილის სასწრაფოდ სამოქალაქო საავადმყოფოში გადაყვანას მოითხოვენ. 

როგორც თამაზ მოლაშვილმა 18 ოქტომბერს პრესკონფერენციაზე განაცხადა, თორნიკე მოლაშვილს აქვს მწვავე ართრიტი და საჭიროებს სასწრაფო ოპერაციას, რისი ჩატარებაც ციხის საავადმყოფოში შეუძლებელია.

გარდა ამისა, თამაზ მოლაშვილი მიმართავს ახალ ხელისუფლებას და სთხოვს, დაჩქარებული წესით მოხდეს მისი შვილის საქმის გადახედვა, რადგან იგი უკანონო პატიმარია.

თამაზ მოლაშვილმა, ასევე, თორნიკე მოლაშვილის დაკავების დეტალები გაიხსენა. მისი თქმით, სანამ თორნიკე მოლაშვილს დააკავებდნენ, მასთან მიმდინარეობდა აქტიური მოლაპარაკებები. შს მინისტრი ვანო მერაბიშვილი მას სთავაზობდა შინაგან საქმეთა სამინისტროში ერთ-ერთ მაღალ თანამდებობას.

როგორც თამაზ მოლაშვილი განმარტავს, შუამავალი თავიდან იყო გურამ დონაძე. ხოლო  როდესაც თორნიკე მოლაშვილს უკვე ხელი უნდა მოეწერა სამსახურში დანიშვნის ხელშეკრულებაზე, მერაბიშვილმა უთხრა, რომ სამსახურში დანიშვნის სანაცვლოდ, სულხან მოლაშვილს სტრასბურგში შეტანილი საჩივარი უნდა გამოეტანა, რაზეც უარი მიიღო. 

როგორც თამაზ მოლაშვილი ამბობს, მისი შვილი სწორედ ამ ფაქტის შემდეგ დააკავეს და მანქანაში ნარკოტიკები ჩაუდეს.

კონტროლის პალატის ყოფილი თავმჯდომარის ძმა, თორნიკე მოლაშვილი 2011 წლის 21 ივნისს დააკავეს. მას მისჯილი აქვს 8 წლითა და 6 თვით თავისუფლების აღკვეთა.

როგორც თამაზ მოლაშვილი განმარტავს, მისი შვილის დაკავების შემდეგ, იუსტიციის მინისტრმა, ზურაბ ადეიშვილმა შუამავალი გაუგზავნა, რომელიც მოლაშვილების ოჯახს სთავაზობდა, რომ როგორც კი ისინი გამოიტანდნენ სტრასბურგის სასამართლოდან საჩივარს, თორნიკე მოლაშვილს პატიმრობიდან გაათავისუფლებდნენ.

პრესკონფერენციის შემდეგ სასჯელაღსრულების დაწესებულების მონიტორინგის ჯგუფის წევრმა, „ინტერპრესნიუსის“ კორესპონდენტმა, თორნიკე მოლაშვილი მოინახულა. თორნიკე მოლაშვილმა მას უთხრა, რომ აწუხებს გული და ორივე მუხლი, არის სასწრაფოდ საოპერაციო. 

ამასთან, მოლაშვილის ინფორმაციით, მამის პრესკონფერენციის შემდეგ, პატიმარს ჰქონდა შეხვედრა ციხის მთავარ ექიმ ირაკლი მურჯიკნელთან. „მურჯიკნელი დამპირდა, რომ ჩემი მოთხოვნის შესაბამისად, გადამიყვანენ ჩემს მიერ მითითებულ საავადმყოფოში და ოპერაცია ოჯახის წევრებთან შეთანხმებით გადაწყდება“, - აღნიშნა თორნიკე მოლაშვილმა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC