17:27, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხვალ შეიძლება საქართველოს რკინიგზა გაჩერდეს

23.10.2012
ხვალ, 24 ოქტომბერს, საქართველოს რკინიგზის სამგზავრო და სატვირთო მატარებლები გადაადგილებას ვერ მოახერხებენ და რკინიგზა დროებით გაჩერდება.

უკიდურესი ფორმით საპროტესტო აქციის მოწყობას რკინიგზის გაფიცული მუშები იმ შემთხვევაში აპირებენ, თუ მათ მოთხოვნებს რკინიგზის ადმინისტრაცია არ დააკმაყოფილებს. ისინი ადმინისტრაციისგან ხელფასების მომატებას, შრომის პირობების გაუმჯობესებას, ზეგანაკვეთური ანაზღაურების და საპრემიო სისტემების მოწესრიგებასა და პროფკავშირული საქმიანობისთვის დასჯილი თანამშრომლების უფლებების აღდგენას ითხოვენ. აქციის მოწყობას თბილისის დეპოს მახარისხებლისა და სამტრედიის რკინიგზის თითქმის ყველა თანამშრომელი გეგმავს.

რკინიგზის პროფკავშრების წარმომადგენლის ვიტალი გიორგაძის თქმით, გაფიცვა 11:00 საათიდან დაიწყება და სავარაუდოდ 2 საათს გასტანს, თუმცა, შესაძლებელია მან უფრო მასშტაბური სახეც მიიღოს და რკინიგზის მუშაობა გაცილებით დიდი ხნის განმავლობაში შეჩერდეს.

ვიტალი გიორგაძე აცხადებს, რომ შესაძლოა, მათ რკინიგზის თანამშრომლები მთელი საქართველოს მასშტაბით შეუერთდნენ.

გაფიცულებისა და ადმინისტრაციის მოლაპარაკებები ამ დრომდე უშედეგოდ მიმდინარეობს. რკინიგზის ადმინისტრაციის შენობაში მოლაპარაკებების საბოლოო რაუნდი დღეს, 17:00 საათზე გაიმართება, სადაც გაფიცულების საორგანიზაციო ჯგუფი და რკინიგზის პროფკავშირები რკინიგზის ადმინისტრაციას შეხვდებიან. შეთანხმების მიღწევის შემთხვევაში აქციები აღარ გაიმართება.

რკინიგზის პროფკავშრების წარმომადგენლის, ვიტალი გიორგაძის თქმით, სამგზავრო მატარებლების გაჩერებასთან დაკავშირებით მათ ჰქონდათ კონსულტაციები, თუმცა, გაფიცვის ორგანიზება მხოლოდ სატვირთო მატარებლების გაჩერებით არ მოხერხდება, ამიტომ მათ სამგზავრო მატარებლების გაჩერების გადაწყვეტილებაც მიიღეს.

უკვე რამდენიმე დღეა რკინიგზის თანამშრომლები ადმინისტრაციას საკუთარი მოთხოვნების დაკმაყოფილებას სთხოვენ. რკინიგზელების გაფიცვის შესახებ ინფორმაცია სტუდენტურმა გაერთიანება „ლაბორატორია 1918“-მა გაავრცელა. თბილისის რკინიგზის თანამშრომლებს სამტრედიელი მუშებიც შეუერთდნენ.

News.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC