13:28, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იუსტიციის ახალმა მინისტრმა სააკაშვილს მთავარი პროკურორის გადაყენების თხოვნით მიმართა

29.10.2012
ახალმა იუსტიციის მინისტრმა თეა წულუკიანმა პრეზიდენტ სააკაშვილს მთავარი პროკურორის, მურთაზ ზოდელავას გადაყენების თხოვნით მიმართა.

იუსტიციის სამინისტროს პრესსპიკერის თქმით, წულუკიანს სურდა, თავად ეცნობებინა  საკუთარი გადაწყვეტილების შესახებ მთავარი პროკურორისთვის, მაგრამ ის ვერ შეხვდა მას, ვინაიდან ზოდელავა საქართველოში არ იმყოფება და უცნობია, როდის დაბრუნდება ის სამშობლოში. წულუკიანის წინამორბედმა, ზურაბ ადეიშვილმა, რომელიც პრეზიდენტ სააკაშვილის ადმინისტრაციაში მთავრობის გავლენიანი წევრი იყო, ასევე დატოვა ქვეყანა.

პრეზიდენტს უფლება აქვს დანიშნოს და გაათავისუფლოს მთავარი პროკურორი იუსტიციის მინისტრის თხოვნის საფუძველზე.         

ახალმა იუსიტიციის მინისტრმა ასევე სთხოვა პრეზიდენტს, ახალ მთავარ პროკურორად არჩილ კბილაშვილი დანიშნოს, რომელიც 18-წლიანი გამოცდილების მქონე ადვოკატია და ამჟამად კოალიცია „ქართული ოცნების“ არჩეული მაჟორიტარი დეპუტატია ბაღდათის ერთმანდატიან ოლქში.  

პრემიერ–მინისტრ ბიძინა ივანიშვილის მთავრობა გეგმავს, შეინარჩუნოს მთავარი პროკურატურა იუსტიციის სამინისტროს დაქვემდებარებაში. თუმცა სურს, რომ მთავარი პროკურორის პოსტი იუსტიციის მინისტრისგან დამოუკიდებელი გახადოს და გაზარდოს პარლამენტის როლი პროკურატურასთან მიმართებაში.

მთავრობის პროგრამის თანახმად, იგეგმება ახალი წესის შემოღება, რომლის თანახმადაც მთავარ პროკურორს პრეზიდენტი პარლამენტის თანხმობით დანიშნავს.

იგივე პროგრამის თანახმად, მთავარი პროკურორის თანამდებობიდან გათავისუფლება შესაძლებელი იქნება ან იმპიჩმენტის პროცედურებით ან პრეზიდენტის გადაწყვეტილებით, რასაც პარლამენტის თანხმობა დასჭირდება.

სივილ ჯორჯია


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC