14:21, Saturday, 05.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იუსტიციის სამინისტრო პარლამენტის კომპიუტერული ქსელის მართვაზე უარს ამბობს

29.10.2012
იუსტიციის სამინისტრო უარს ამბობს პარლამენტის, სახელმწიფო აუდიტის სამსახურისა და სხვადასხვა სამინისტროების ქსელებისა და სერვერების მართვაზე. როგორც იუსტიციის მინისტრმა თეა წულუკიანმა დღევანდელ ბრიფინგზე განაცხადა , უწყებაში დახვდა ზურაბ ადეიშვილის მემკვიდრეობა, რომელიც იუსტიციის სამინისტროს მიერ პარლამენტის, სახელმწიფო აუდიტის სამსახურის, ენერგეტიკის, სპორტისა და ახალგაზრდობისა და სხვა სამინისტროების პროგრამული უზრუნველყოფის, ქსელებისა და კომპიუტერების მართვას გულისხმობს.

„ქვეყნის სწორი სახელმწიფოებრივი განვითარება მოითხოვს, რომ ხელისუფლების არც ერთი შტო არ დაექვემდებაროს მეორეს. ამიტომაც მივიღე გადაწყვეტილება, შეწყდეს იუსტიციის სამინისტროს მიერ პაროლამენტისა და სხვა სახელმწიფო უწყებების პროგრამული მომსახურების, ქსელებისა და კომპიუტერების მართვა“, - განაცხადა თეა წულუკიანმა.

აღნიშნულ სისტემაში ასევე ჩართული იყო სასამართლოს კომპიუტერული ქსელები, თუმცა, წულუკიანის თქმით, არჩევნების შემდეგ სასამართლოებმა სისტემა „ჩაკეტეს“.

ამასთან, მინისტრის გადაწყვეტილების სისრულეში მოყვანას სჭირდება დრო, რაც გარკვეულ ტექნოლოგიურ გადაწყობასთან არის დაკავშირებული. იუსტიციის სამინისტროს წინასწარი გათვლებით, გადაბარების ეს პროცესი მხოლოდ პარლამენტის შემთხვევაში დასაწყისისთვის 400 000 ლარის ინვესტირებას მოითხოვს, ხოლო შემდეგ წლიურად დაახლოებით 800 000 ლარის ხარჯი იქნება, რათა ჯერ დაბრუნდეს მონაცემთა ბაზები და უზრუნველყოფილი იყოს ქსელების დამოუკიდებლად მართვა.

როგორც თეა წულუკიანმა „ინტერპრესნიუსს“ განუცხადა, იუსტიციის სამინისტროს მიერ სახელმწიფო უწყებების კომპიუტერული პროგრამების მართვას არანაირი კავშირი არა აქვს კიბერუსაფრთხოებასთან. მისი თქმით, კიბერსაფრთხეები არის და რჩება ინფორმაციული უსაფრთხოების ერთ-ერთ მნიშვნელოვან კომპონენტად, რასაც სახელმწიფო უზრუნველყოფს, თუმცა ეს მოხდება სხვა უწყებების კომპიუტერული სისტემების კონტროლის გარეშე.

თეა წულუკიანი გამოდის ინიციატივით, რომ კიბერუსაფრთხოების უზრუნველყოფის საკითხი მთავრობის პრეროგატივა გახდეს და შესაბამისი უწყება პრემიერ-მინისტრს დაექვემდებაროს.

კიბერუსაფრთხოების საკითხზე იუსტიციის სამინისტროში შექმნილი საჯარო სამართლის იურიდიული პირი - მონაცემთა გააცვლის სააგენტო მუშაობს. თუმცა თეა წულუკიანმა „ინტერპრესნიუსს“ განუცხადა, რომ ეს საკითხი არ უნდა იყოს მხოლოდ ერთი კონკრეტული უწყების პასუხიმგებლობის საგანი და თუ მთავრობა იქნება თანახმა, მზად არის დასვას საკითხი კიბერუსაფრთხოებასთან დაკავშირებული ორგანოს პირდაპირ პრემიერ-მინისტისადმი დაქვემდებარებასთან დაკავშირებით.

თეა წულუკიანმა ხაზგასმით აღნიშნა, რომ ინფორმაციული უსაფრთხოება საქართველოს ეროვნული უსაფრთხოების ერთ-ერთი მნიშვნელოვანია კომპონენტია.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC