20:38, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ფოთს გაფიცვების ტალღამ გადაუარა

29.10.2012

ინგა გვასალია, ფოთი

25 ოქტომბერს დილიდანვე გაიფიცნენ ფოთის პორტის თანამშრომლები. მათი გამაფრთხილებელი გაფიცვის გამო პორტში მუშაობა მთელი დღის განმავლობაში პარალიზებული იყო.

ფოთის პორტის გაფიცული თანამშრომლები შრომითი უფლებების შელახვას აპროტესტებდნენ და შრომითი კოდექსის გაუმჯობესებას მოითხოვდნენ.ისინი ასევე ითხოვდნენ პირობების გაუმჯობესებას, ხელფასის ოდენობის გაზრდას, კვებითი პრობლემების მოგვარებას, სამედიცინო დაზღვევის დანიშნვას N14 და N4 ნავმისადგომების თანამშრომლებისთვის, თანამშრომელთა შეურაცხყოფისა და არასათანადო მოპყრობისთვის ცვლის მენეჯერების პასუხისმგებლობას და განთავისუფლებული თანამშრომლების უკან დაბრუნებას.

გაფიცულთა უმრავლესობა სარეზერვო ბრიგადებშია დასაქმებული და როგორც ჩვენთან საუბრისას აცხადებენ, მათთვის შრომითი ხელშეკრულებები ამ დრომდე არ გაუფორმებიათ.
 
„კანონი აკანონებს მონობას, ჩვენი უფლებები არ არის დაცული, დაუბრუნეთ პორტი ფოთს და ფოთელებს“, - აცხადებენ პორტის თანამშრომლები. მათი თქმით, ფოთის საზღვაო ნავსადგომში სიტუაცია მას შემდეგ გაუარესდა, რაც პორტში APM TERMINALI  შევიდა. თანამშრომლებს პირობების გაუმჯობესებას დაჰპირდნენ, თუმცა მოვლენები დაპირებების საპირისპიროდ განვითარდა. 

პორტის თანამშრომლების საპროტესტო აქციას სამსახურიდან გათავისუფლებული თანამშრომლებიც შეუერთდნენ. ისინი 2011 წლის დეკემბერში რესტრუქტურიზაციის მიზეზით სამსახურიდან გაათავისუფლეს. ამ მოტივით 750 ადამიანია გათავისუფლებული.

ნავსადგურის პროფკავშირული გაერთიანების თავმჯდომარის, კოკა საჯაიას თქმით,  გაფიცულები ფოთის ნავსადგურის გენერალურ დირექტორს, ჯოზეფ ქროულის დაპირებების შესასრულებლად დროს 1 ნოემბრამდე აძლევენ. ჯოზეფ ქროული მუშებს მოთხოვნების დაკმაყოფილებას უახლოეს მომავალში დაჰპირდა. იმ შემთხვევაში, თუ ეს მოთხოვნები 1 ნომბრამდე არ დაკმაყოფილდება, ფართომაშტაბიანი გაფიცვები დაიწყება.

პორტის თანამშრომლების გაფიცვის პარალელურად, სატრანზიტო ტვირთების გადამზიდავი ავტოსატრანსპორტო საშუალებების მძღოლებმაც გამაფრთხილებელი საპროტესტო აქცია გამართეს. ისინი უკმაყოფილებას გამოხატავენ იმ ფირმების მიმართ, რომლებიც თავიანთ მფლობელობაში არსებულ მანქანებზე უცხოელებს ამუშავებენ. ამის გამო კი, ფირმაში დასაქმებული სატვირთო მანქანების მძღოლები უმუშევრები რჩებიან. ასევე, მოითხოვენ ტრანსპორტის სამინისტროს ჩამოყალიბებასა და გადასახადების შემცირებას.

როგორც ისინი humanrights-ge-სთან საუბარში აცხადებენ, რკინიგზის მხრიდან ტვირთების ფაქტობრივი მონოპოლიზების შედეგად სამუშაოს კარგავენ. ეს პროცესი კი, მათივე თქმით, მას შემდეგ დაიწყო, რაც საქართველოს რკინიგზა საპარტნიორო ფონდს გადაეცა, რომელსაც ექსპრემიერი ნიკა გილაური ხელმღვანელობს.

„ჩვენი პრობლემები მარტო ჩვენ არ გვეხება, რომლებიც აქ ვდგავართ, ჩვენს მდგომარეობაში კიდევ ასეულობით ადამიანია. ვითხოვთ, მოისპოს მონოპოლია და რკინიგზის გარდა, ტვირთების გადაზიდვის საშუალება მოგვცენ ჩვენც, როგორც ეს აქამდე ხდებოდა. სახლებს ბანკები გვიყიდის, საგადასახადო გადასახადებს გვთხოვს, რა გავაკეთოთ ამის შემდეგ, მშივრები დავიხოცოთ?! ოჯახები დგას ჩვენს უკან“, -განაცხადა აქციის ერთ-ერთმა მონაწილე ზურაბ გვალიამ.

მძღოლების განცხადებით, ისინი პარლამენტს და მთავრობას სპეციალურ მიმართვას გაუგზავნიან და მათი უფლებების დაცვისკენ მოუწოდებენ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC