23:30, Wednesday, 11.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კიდევ ერთი საჩივარი ბაჩო ახალაიას წინააღმდეგ

14.11.2012
 
2006 წლის 12 იანვარს სამგორის მეტროს მიმდებარე ტერიტორიაზე ჩატარებული სპეცოპერაციისას მოკლული მარად ართმელაძის მამა, შინაგან საქმეთა ყოფილ მინისტრს, ბაჩო ახალაიას წინააღმდეგ პროკურატურაში საჩივრის შეტანას აპირებს. 

როგორც გარდაცვლილ მარად ართმელაძის მამა, მიხეილ ართმელაძე ამბობს, სამართლის საძიებლად შესაბამის ორგანოებს არაერთხელ მიმართა, მაგრამ - უშედეგოდ. 

ახალი მთავრობისაგან მიხეილ ართმელაძე ბაჩო ახალაიას თავისი შვილის მკვლელობის გამოც ითხოვს პასუხისგებაში მიცემას. 

„ჩემი შვილი და მისი ორი მეგობარი ბაჩო ახალაიამ და მისმა სპეცრაზმა ჩახოცა. ჩახოცეს ახალგაზრდები იმისთვის, რომ ციხეში შიში ჰქონოდათ. ბრალად კი ის დაუდეს, თითქოს ციხე უნდა აეღოთ. როგორ შეაღწევდნენ და როგორ აიღებდნენ ციხე?! ახალაიას დასჯას ვითხოვ, მაქსიმუმი სასჯელი უნდა მიესაჯოს“, - აცხადებს მიხეილ ართმელაძე. 

აღნიშნულ სპეცოპერაციის ოფიციალურ მოტივად გარდაცვლილების მიერ რუსთავის ციხის აღების მცდელობა დასახელდა. ხოლო სპეცოპერაციის ჩატარების ოფიციალური საფუძველი საქართველოს იუსტიციის სამინისტროში იმავე დღეს შესული წერილი იყო.

შემთხვევის ადგილის დათვალიერების ოქმში აღნიშნულია, რომ ამოღებულია 92 მასრა და ერთი ტყვია. ტყვიებიდან მხოლოდ 5-ის იდენტიფიკაცია მოხდა. გამოძიება დარჩენილი 87 მასრის გამოკლევით არც კი დაინტერესებულა.

კომპლექსური კრიმინალისტიკური ექსპერტიზის დასკვნის მიხედვით, ერთ-ერთი გარდაცვლილის ტანსაცმლის, გამოკვლევისას დადგინდა, რომ სროლა ნაწარმოებია თითქმის მიბჯენით. დანარჩენი დაზიანებები მიყენებულია 1-1,5 მეტრის მანძილიდან. სწორედ ამიტომ აცხადებს ართმელაძის მამა, რომ თავისი შვილი საკოტროლო გასროლით მოკლეს: „ყელის მარჯვენა ნაწილში ჰქონდა ორი ტყვია მოხვედრილი, მარცხენა მუხლშიც - ორი ტყვია. ეს იყო უდანაშაულო ადამიანის ვერაგული მკვლელობა“.  

თბილისის პროკურატურამ საქმეში არსებული კრიმინალისტიკური ექსპერტიზის დასკვნის მიუხედავად, სპეცოპერაცია მართლზომიერ ქმედებად ჩათვალა და გამოძიება შეწყვიტა. გარდაცვლილთა მშობლები დაზარალებულად არ არიან ცნობილი. საქმე ადამიანის უფლებათა ევროპულ სასამართლოს წარმოებაში უკვე მიღებული აქვს.

მოკლულთაგან ერთ-ერთი ქობულეთის რაიონის, სოფელ ციხისძირის მკვიდრი რომან სურმანიძეა. ხოლო მარად ართმელაძე და შოთა გორგაძე ხულოს მკვიდრნი და თანაკურსელები იყვნენ. ისინი ბათუმის სახელმწიფო უნივერსიტეტის სამედიცინო ფაკულტეტზე სწავლობდნენ.

აღნიშნულ საქმეზე ადამიანის უფლებათა ცენტრი 2009 წლის 9 აპრილს წერდა (იხ.: http://www.humanrights.ge/index.php?a=main&pid=7594&lang=geo).

მაკა მალაყმაძე, აჭარა
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC