სასჯელაღსრულების დაწესებულებების საზოგადოებრივი მონიტორინგის ჯგუფის წევრებმა სასჯელაღსრულების N8 დაწესებულებაში შინაგან საქმეთა სამინისტროს ყოფილი თანამშრომლები 18 წლის ვასილ ჯამალაშვილი, 21 წლის გიორგი ჯავახაძე და 33 წლის ბექა კვარაცხელია მოინახულეს.
მონიტორინგის ჯგუფის წევრებთან საუბრისას სამივე პატიმარმა განაცხადა, რომ ჯანმრთელობასთან დაკავშირებით პრობლემები არ აქვთ და დაწესებულების ადმინისტრაციის მიმართ პრეტენზიები არ გააჩნიათ. მონიტორინგის ჯგუფის წევრებს მიაჩნიათ, რომ დაწესებულებაში მათი უსაფრთხოება დაცულია.
საკანში, სადაც პატიმრები არიან მოთავსებულები, გათბობა ჩართულია, აქვს სარკმელი, მუშაობს სავენტილაციო სისტემა, საპირფარეშო და ხელსაბანი. დაკავებულები უპრობლემოდ ხვდებიან ადვოკატებს სამუშაო საათებში.
კახეთის საინფორმაციო ცენტრი