20:20, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქუთაისის საკრებულოში დაწყებული დავა სასამართლოში გადაინაცვლებს

21.11.2012
„მე დავტოვე „ნაციონალური მოძრაობა“, რადგან საკრებულოში ყოველთვის ვგრძნობდი  კომუნიკაციის პრობლემას, რაც თავისთავად უამრავ დაბრკოლებას  ქმნიდა. ამ გადაწყვეტილების  მიღება იმ რთულმა პოლიტიკურმა პერიოდმაც განაპირობა, რომელიც წინ გველოდება“, - ქუთაისის საკრებულოს წევრი კახა ნურალიძე პირველი იყო, ვინც გასული თვის დასაწყისში ფრაქცია „ნაციონალური მოძრაობა“ დატოვა.

იგი ქუთაისის ადგილობრივი თვითმმართველობის ორგანოს ოპოზიციონერ დეპუტატებს შეუერთდა, რომლებმაც  ახალი ფრაქცია - „ქუთაისი“ ჩამოაყალიბეს.

ნურალიძის გზა გაიზიარა ქუთაისის ლადო მესხიშვილის სახელობის აკადემიური თეატრის მმართველმა გიორგი სიხარულიძემ, რომელმაც 1 ოქტომბრის არჩევნებამდე რამდენიმე დღით ადრე (ქვეყანაში შექმნილი მძიმე ვითარების ფონზე, რომელსაც თეატრში სეზონის გახსნის ჩაშლა მოჰყვა) საკრებულოს დატოვების შესახებ განცხადება გააკეთა. მოგვიანებით კი, საკრებულოს ახლადშექმნილ ფრაქციაში გადავიდა. 

ქუთაისის საკრებულოში გაკეთებული წინასწარი პროგნოზები, რომლის მიხედვით,  ყოფილი „ნაციონალების“ ბედს უმრავლესობის არაერთი  წარმომადგენელი გაიზიარებდა, გამართლდა. 15 ნოემბერს ფრაქცია „ქუთაისში“ კიდევ ხუთი დეპუტატი გადაბარგდა.

დაპირისპირება კი, რომელიც საკრებულოს „ქრისტიან-დემოკრატი“ წარმომადგენლის, დავით დვალის თავმჯდომარის მოადგილის პოსტიდან გადაყენებას მოჰყვა, სავარაუდოდ სასამართლოში გადაინაცვლებს.

„საკრებულოს სხდომის შედეგები სამართლიანად ვერ ჩაითვლება, რადგან დაირღვა 24-საათიანი ვადა სხდომის ჩატარების შეტყობინების თაობაზე. მიღებული გადაწყვეტილება სხვა არაფერია, თუ არა პოლიტიკური ანგარიშსწორება, რომელიც „ნაციონალების“ მხრიდან დღითიდღე მძაფრდება“, - აცხადებენ საკრებულოს ოპოზიციონერი დეპუტატები. 

მათი განმარტებით, 15 ნოემბერს ჩატარებული ქუთაისის საკრებულოს სხდომის, ისევე როგორც პროცედურების სამართლიანობას უახლოეს დღეებში სასამართლო გაარკვევს.

შორენა კაკაბაძე, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC