06:44, Saturday, 14.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ფოტორეპორტიორთა საქმეზე ახალი ვიდეომასალა შსს-ს და პროკურატურას გადაეცემა

26.11.2012

Humanrights.ge

გაზეთი „კვირის ქრონიკა“ ფოტორეპორტიორების საქმესთან დაკავშირებით ფარული ვიდეოჩანაწერის ტექსტურ ვარიანტს აქვეყნებს. გამოცემის მტკიცებით, ჩანაწერში კუდ-ის ორი თანამშრომელი ჯერ ერთ ფოტორეპორტიორს გიორგი აბდალაძეს, შემდეგ კი მეორეს, ზურაბ ქურციკიძეს ესაუბრებიან და ადვოკატის შეცვლას სთხოვენ.

გიორგი აბდალაძე, ზურაბ ქურციკიძე, ირაკლი გედენიძე და მისი მეუღლე ნათია გედენიძე გასული წლის ზაფხულში ჯაშუშობის ბრალდებით დააკავეს, მოგვიანებით კი საპროცესო შეთანხმებით გამოუშვეს.

„კვირის ქრონიკაში“ გამოქვეყნებული მასალის თანახმად, კუდის თანამშრომლები ფოტორეპორიორებს საკუთარი ადვოკატების ბესელიას, მაჭარაშვილის, ჩინჩალაძის და ჩიქოვანის აცილებას და მათ ნაცვლად მირდატ ქათამაძის და ვინმე კახას მოწვევას სთხოვენ.

გიორგი აბდალაძე გამოცემისთვის მიცემულ ინტერვიუში ამბობს, რომ არსებობს კიდევ ციხის სათვალთვალო კამერების ჩანაწერების სრული არქივი.

„ვინც ეს ორი ჩანაწერი მომაწოდა, ვთხოვ იმ ადამიანს, საჯარო გახადოს ეს მასალები. თუ ეს ჩანაწერი გამოქვეყნდება, ფარდა აეხდება ყველა იმ უკანონობას, რომელიც წლების განმავლობაში ხდებოდა“, - აღნიშნავს გიორგი აბდალაძე.

მისი თქმით, ამ ჩანაწერებს გადასცემს შინაგან საქმეთა სამინისტროსა და მთავარ პროკურატურას და გამოძიების დაუყოვნებლივ გამოძიებას მოითხოვენ.

26 ნოემბერს ტელეკომპანია „მეცხრე არხმა“ გაავრცელა ვიდეოკადრები, სადაც ჩანს, თუ როგორ აიძულებენ გიორგი აბდალაძეს და ზურაბ ქურციკიძეს, აიცილონ თავიანთი ადვოკატები. „მეცხრე არხის“ ცნობით, ეს სწორედ ის ვიდეოკადრებია, რომლებიც გიორგი აბდალაძეს მიაწოდეს.

ვიდეოკადრების მიხევით, ერთ-ერთი პირი ეუბნება გიორგი აბდალაძეს, რომ აიცილოს ადვოკატები – ბესელია, მაჭარაშვილი, ჩინჩაბაძე და ჩიქოვანი იმ მიზეზით, რომ თითქოს მისი და ადვოკატების პოზიციები ერთმანეთს არ ემთხვევა.

ამასთან, აბდალაძეს განუმარტავენ, რომ მან უნდა დააყენოს შუამდგომლობა ადვოკატების აცილების შესახებ, შემდეგ ზარი განახორციელოს შერჩეულ ადვოკატზე და სთხოვოს, რომ ის იყოს მისი უფლებადამცველი.

ზუსტად იგივე შინაარსისაა ვიდეოჩანაწერი ზურაბ ქურციკიძის შესახებაც, რომელსაც ასევე სთხოვენ ადვოკატზე აცილებას და სხვა ადვოკატთან დარეკვას.

ვიდეოკადრების არასრული ვერსია

წყარო: „კვირის ქრონიკა“, Media.ge, პალიტრა.ტვ

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC