28 ნოემბერს ჭიათურელმა მაღაროელებმა ტყიბულის გაფიცულ მეშახტეებს სოლიდარობა გამოუცხადეს და მათთან შესახვედრად ტყიბულში წავიდნენ. სოლიდარობის აქციის მიზანი ტყიბულელი მესახტეებისთვის მხარდაჭერა იყო, რაც მეორე მხრივ, გამოცდილების გაზიარებასაც ითვალისწინებდა.
„ჯორჯიან მანგანეზის“ თანამშრომლების თქმით, ისინი ტყიბულელ მეშახტეებს შესაბამის რჩევებს მისცემენ, რადგან მათთაც ქონდათ პრობლემები მფლობელთან.
„ჩვენი გამოცდილებიდან მივუთითებთ, როგორ უნდა მოიქცნენ ასეთ სიტუაციაში. შეიძლება მათ დასჭირდეთ ახალი პროფკავშირის შექმნა ან საგაფიცვო კომიტეტის ჩამოყალიბება და ჩვენი გამოცდილებიდან შესაბამის რჩევებს მივცემთ“, - აცხადებენ მაღაროელები.
აღსანიშნავია, რომ ჭიათურაში მაღაროელთა ერთთვიანი გაფიცვა რამდენიმე დღის წინ დასრულდა. ხოლო ტყიბულში მაღაროელები პირობების გაუმჯობესებისა და ხელფასების მატებას ელიან.
მარი ტაბიძე, ჭიათურა