შემთხვევა პარლამენტის სასესიო დარბაზში

18 დეკემბერს პარლამენტის სასესიო დარბაზში ჭერის მცირე ნაწილი ჩამოინგრა. შემთხვევა მაშინ მოხდა, როცა დეპუტატები რიგ საკითხებს განიხილავდნენ.

პარლამენტის თავმჯდომარემ დავით უსუფაშვილმა კოლეგებს სიმშვიდისკენ მოუწოდა და განაცხადა, რომ არც სასწრაფო დახმარების ბრიგადის და არც პოლიციის გამოძახების საჭიროება არ არის. მან  მომხდარი ტემპეტატურის ცვალებადობით ახსნა.

„პანიკაში ნუ ჩავარდებით. როგორც ჩანს, ამ ფაქტზე ტემპერატურის ცვალებადობამ, კერძოდ - ყინვებმა იმოქმედა. იმ შემთხვევაში, თუ ვინმეს ჯანმრთელობის საფრთხე დაემუქრება, ხარჯებს პარლამენტი გაიღებს“, - განაცხადა უსუფაშვულმა.

მომხდარის შემდეგ პარლამენტის თანამშრომლებმა პერიმეტრი, კერძოდ - დარბაზის ჭერი დაათვალიერეს. დარბაზში მუშაობა ჩვეულ რეჟიმში გაგრძელდა.

შორენა კაკაბაძე, ქუთაისი