ვანის მაჟორიტარი დეპუტატი პაატა ლეჟავა პროკურატურაში დაკითხვაზე დაიბარეს, მაგრამ იგი უწყებაში მისვლას არ აპირებს.
პროკურატურა ლეჟავას დაკითხვას „ნაციონალური მოძრაობის“ ვანის ოფისში ადგილობრივი ბიზნესმენის, მამუკა შარაშენიძის ცემასთან დაკავშირებით გეგმავს.
ლეჟავას თქმით, არჩევნებამდე სამი დღით ადრე, როდესაც ბიზნესმენი სცემეს, იგი ოფისში არ იმყოფებოდა. სასამართლოს მიერ საბოლოო განაჩენის გამოტანამდე კი პაატა ლეჟავა და ვანის გამგებელი დავით კაკაბაძე თავისუფლებას გირაოს საფუძველზე ინარჩუნებენ.
პაატა ლეჟავას თქმით, ის პროკურატურაში გამოცხადებას იმიტომ არ აპირებს, რომ ხელისუფლება მას და დავით კაკაბაძეს პოლიტიკური ნიშნით დევნის.
მარი ტაბიძე, ვანი