19 დეკემბერს საჩხერის საკრებულოს სხდომაზე 2013 წლის ბიუჯეტი საჯაროდ განიხილეს. ამის შესახებ ინფორმაცია საკრებულომ რამდენიმე დღით ადრე გაავრცელა, რადგან ბიუჯეტის ფორმირებაში ხალხის აზრი მაქსიმალურად გაეთვალისწინებიათ.
სხდომაზე ბიუჯეტის წინა პროექტში ცვლილებები შევიდა, რაც ორგანიზაციებს შორის თანხების პრიორიტეტების მიხედვით გადანაწილებას შეეხო.
„მუნიციპალიტეტში გვყავს შეზღუდული შესაძლებლობის მქონე ბავშვები და ასევე ონკოდაავადებულები. არის ოჯახები, რომლებსაც სოციალური პრობლემები აქვთ და ჩვენ სწორედ ამ ბიუჯეტში ყველა ეს საკითხი გვინდა, გავითვალისწინოთ. შეიძლება ითქვას, საჩხერის მუნიციპალიტეტის 2013წლის ბიუჯეტი სოციალური სოციალური პაკეტით იქნება დატვირთული“, - განაცხადა საკრებულოს თავჯდომარემ ინგა ზამბახიძემ.
სოციალური სფეროს დაფინანსების გაზრდის გამო საჩხერის საკრებულოს თანამშრომლებმა საპრემიო თანხებზე უარი განაცხადეს და საკუთარი ხარჯებიც შეამცირეს.
მარი ტაბიძე, საჩხერე