08:19, Thursday, 28.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ობამას ადმინისტრაციას საქართველოს საკონსტიტუციო კრიზისში ჩარევისკენ მოუწოდებენ

20.03.2013

ჯულიან პიკვიტი,www.Thehill.com

საქართველოს ახალი მთავრობა შეერთებული შტატების მაღალჩინოსნებს და კანონმდებლებს შესაძლო კონსტიტუციური კრიზისის გადალახვაში დახმარებას თხოვს. როგორც თავად საქართველოს ახალი მთავრობა აღწერს, მოსალოდნელმა კრიზისმა, შესაძლოა ჩაშალოს შემოდგომაზე დაგეგმილი საპრეზიდენტო არჩევნები.

პრემიერმინისტრი ბიძინა ივანიშვილი და მისი საპარლამენტო უმრავლესობა, კოალიცია „ქართული ოცნება“, ამბობს, რომ პრეზიდენტი მიხეილ სააკაშვილი აუცილებლად დაითხოვს მთავრობას ოქტომბრის არჩევნების წინ და საკუთარ ხალხს მოიყვანს ხელისუფლებაში. ისინი არწმუნებენ შეერთებულ შტატებს (საქართველოს მთავარ სამხედრო და ეკონომიკურ დონორს, რომელმაც შარშან მისთვის 85 მილიონი დოლარი გაიღო) უთხრას სააკაშვილს, რომ მან მხარი უნდა დაუჭიროს კონსტიტუციურ ცვლილებებს, რომელიც ზემოაღწერილი სცენარის განვითარებას შეუძლებელს გახდის.

„კარგი იქნება თუკი საქართველოს მეგობრები, რომლებიც იმავდროულად სააკაშვილის მეგობრებიც არიან, მისცემენ მას ამ მეგობრულ რჩევას“, განაცხადა The Hill -თან ინტერვიუში საქართველოს პარლამენტის თავმჯდომარემ, დავით უსუფაშვილმა.

უსუფაშვილი ვაშინგტონში კვირას ჩავიდა და კვირის განმავლობაში შეხვედრებს მართავდა სახელმწიფო დეპარტამენტის ჩინოვნიკებთან, ის შეხვდა ასევე ოცამდე კანონმდებელს, მათ შორის რესპუბლიკელ სენატორ ჯონ მაკკეინს, რომელიც სააკაშვილის დიდი ხნის მეგობარია. პრეზიდენტმა პირობა დადო, რომ არ გამოიყენებდა დათხოვნის ბერკეტს.

„რა თქმა უნდა, ეს უდიდესი კონფლიქტის [პროვოცირებას] მოახდენს“, თქვა უსუფაშვილმა. „ცხადზე უცხადესია, რომ საქართელოს მოქალაქეების აბსოლუტური უმრავლესობა მხარს უჭერს კოალიცია „ქართულ ოცნებას“ და მის ლიდერს, ბიძინა ივანიშვილს“.

„მან პირობა დადო, რომ ამ ძალაუფლებას არ გამოიყენებს. თუმცა, ჩვენ საკმარისად ზრდასრულები ვართ იმისთვის, რომ ვიცოდეთ, რომ ასეთი დაპირებები მხოლოდ დაპირებებია. ჩვენი პასუხი ასეთია, „თუკი ამბობ, რომ გაქვს სახიფათო იარაღი ხელში და ეთანხმები იმას, რომ ამ ტიპის იარაღი არ არის ისეთი რამ, რაც დემოკრატიულ პრეზიდენტებს აქვთ მსოფლიოში, რატომ არ ამბობ მასზე უარს?“

ბრძოლამ სააკაშვილს და ივანიშვილს შორის შარშანდელი საპარლამენტო არჩევნების წინ ვაშინგტონამდეც მოაღწია ათობით ლობისტური კომპანიის და პიარ სააგენტოების გზით, რომლებსაც ორივე ქირაობდა. ახალმა მთავრობამ ბევრ მათგანთან კონტრაქტი გაწყვიტა, თუმცა დაიტოვა ორი წამყვანი სამართლის ექსპერტი აშშ-ში – ჰარვარდის სამართლის სკოლის პროფესორი ლარი ლესინგი და ოჰაიოს ჩრდილოეთის უნივერსიტეტის პროფესორი ჰოვარდ ფენტონი – იმ აზრის ჩამოყალიბებისთვის, რომ სააკაშვილის ძალაუფლება არადემოკრატიულია.

უსუფაშვილმა განაცხადა, რომ სააკაშვილმა მოითხოვა, რომ საკონსტიტუციო რეფორმა განხილულ უნდა იქნას ამნისტიასთან ერთად მთავრობის იმ ყოფილი ჩინოვნიკებისთვის, რომლებსაც კორუფციასა და ძალაუფლების ბოროტად გამოყენების სხვა ფაქტებში სდებენ ბრალს. პრეზიდენტი ახალ მთავრობას ადანაშაულებს იმაში, რომ ისინი სასამართლოებს ოპონენტების წინააღმდეგ იყენებენ, მაგრამ მთავრობის თქმით, ეს იმ წარსული საქმეების გამოძიების გაგრძელებაა, რომელიც სააკაშვილის დროს თაროზე იყო შემოდებული.

უსუფაშვილმა განაცხადა, რომ ის ვაშინგტონში იმისთვის არის, რომ დაარწმუნოს კანონმდებლები და ობამას ადმინისტრაციის ჩინოვნიკები იმაში, რომ ახალი მთავრობა პატივს სცემს დემოკრატიულ რეფორმებს და არ აპირებს დასავლეთის მიტოვებას რუსეთთან ალიანსისთვის, როგორც ამას სააკაშვილი ამტკიცებს. ამის დასტურად, უსუფაშვილი მიუთითებს გასულ კვირას მიღებულ ორპარტიულ საგარეოპოლიტიკურ დოკუმენტზე, რომელიც კიდევ ერთხელ ადასტურებს საქართველოს მისწრფებას ევროკავშირის სრულუფლებიანი წევრობისკენ და გამორიცხავს გაწევრიანებას დამოუკიდებელ სახელმწიფოთა თანამეგობრობაში (დსთ) – ორიგანიზაციაში, რომელიც ცხრა ყოფილი საბჭოთა სახელმწიფოს ერთობაა და მიმართულია რუსეთთან მჭიდრო კავშირების შენარჩუნებისკენ.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC