16:28, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

MDF შეშფოთებას გამოთქვამს ადამიანის პირად საიდუმლოსთან დაკავშირებული ინფორმაციის ტირაჟირების გამო

20.03.2013
მედიის განვითარების ფონდი შეშფოთებას გამოთქვამს ბოლო დღეებში მედია-საშუალებებით ადამიანის პირად საიდუმლოსთან დაკავშირებული ინფორმაციის ტირაჟირების გახშირების გამო.

ფონდის მიერ 19  მარტს გავრცელებულ განცხადებაში, ნათქვამია:

„განსაკუთრებით შემაშფოთებელია, როცა ასეთი ინფორმაციის გამოყენება ჟურნალისტის კრიტიკული შეკითხვის საპასუხოდ ხდება. სწორედ ამ კონტექსტში უნდა განვიხილოთ ჟურნალისტ ელისო ჯანაშიას შემთხვევა, რომელმაც 2013 წლის 14 მარტს საქართველოს პრემიერ-მინისტრის ბიძინა ივანიშვილის მიერ რეგიონულ ჟურნალისტებთან გამართულ ბრიფინგზე კრიტიკული შეკითხვა ფოთში არსებული სიტუაციის შესახებ დასვა. ამის საპასუხოდ კრიტიკის ადრესატმა, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ ჟურნალისტის დედის ჯანმრთელობის მდგომარეობაზე ისაუბრა და ჟურნალისტის აქტიურობა მის პირად ოჯახურ პრობლემებს დაუკავშირა.“

მედიის განვითარების ფონდი შეახსენებს, რომ საქართველოს კონსტიტუციის 41 მუხლის მეორე პუნქტის თანახმად, „ოფიციალურ ჩანაწერებში არსებული ინფორმაცია, რომელიც დაკავშირებულია ადამიანის ჯანმრთელობასთან, მის ფინანსებთან ან სხვა კერძო საკითხებთან, არავისთვის არ უნდა იყოს ხელმისაწვდომი თვით ამ ადამიანის თანხმობის გარეშე, გარდა კანონით დადგენილი შემთხვევებისა, როდესაც ეს აუცილებელია სახელმწიფო უშიშროების ან საზოგადოებრივი უსაფრთხოების უზრუნველსაყოფად, ჯანმრთელობის, სხვათა უფლებებისა და თავისუფლებების დასაცავად.”

„გაკვირვებას იწვევს ის გარემოება, რომ პარლამენტის ადამიანის უფლებათა დაცვის კომიტეტის თავმჯდომარე უგულებელყოფს კონსტიტუციურ ნორმას და საჯარო დისკურსში შემოაქვს ისეთი ადამიანის ჯანმრთელობის მდგომარეობის განხილვა, რომელსაც არც საჯარო პოლიტიკასთან და არც განსახილველ თემასთან არავითარი საერთო არა აქვს“, აცხადებს ორგანიზაცია, რომელიც მოუწოდებს ეკა ბესელიას და სხვა საჯარო პირებს, „პატივი სცენ საქართველოს კონსტიტუციით დაცულ უფლებას და თავიანთ არგუმენტაციაში ადამიანის პირადი საიდუმლო არ ხელყონ.“

მედიის განვითარების ფონდი  ასევე  მიმართავს მედია საშუალებებს, „სიფრთხილით მოეკიდონ და თავი შეიკავონ ადამიანის პირადი ცხოვრების შესახებ ინფორმაციის ტირაჟირებისგან, მით უმეტეს, როცა კავშირი ამ ინფორმაციასა და განსახილველ თემას შორის დაუსაბუთებელია.“


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC