სალომე ჩხეიძე
საქალაქო სასამართლოში 18 ივნისს შსს-ს გენერალური ინსპექციის ყოფილი უფროსის, თენგიზ გუნავას სასამართლო პროცესზე დაზარალებული მხარის - შინაგან საქმეთა სამინისტროს წარმომადგენელი მომწმის სახით დაიკითხა. მოწმე სახელმწიფო საიდუმლოებას შეეხო, რის გამოც ბრალდების მხარის შუამდგომლობით, სასამართლო სხდომაზე მოწმის დაკითხვის ნაწილი დაიხურა.
„2012 წლის სექტემბერში სამინისტროს გენერალური ინსპექციის უფროსმა, თენგიზ გუნავამ მიითვისა სამინისტროს კუთვნილი 49 500 ლარი და 3 000 ტონა საწვავი“, - განაცხადა დაკითხვისას სამინისტროს იურიდიულ საქმეთა განყოფილების თანამშრომელმა ნინო წოწონავამ.
იმის გამო, რომ საქმე სახელმწიფო საიდუმლო დავალების შესრულებისას თანხისა და საწვავის გაცემას ეხებოდა, ბრალდების მხარემ პროცესის დახურვის შუამდგომლობა დააყენა, რაც მოსამართლემ დააკმაყოფილა.