16:34, Friday, 29.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შრომის, ჯანმრთელობისა და სოციალური დაცვის სამინისტრომ სახალხო დამცველის რეკომენდაცია გაითვალისწინა

10.07.2013

 

საქართველოს შრომის, ჯანმრთელობისა და სოციალური დაცვის სამინისტრომ გაითვალისწინა საქართველოს სახალხო დამცველის რეკომენდაცია ჰემოფილიით დაავადებულ პაციენტთა ინფუზიაზე ხელმისაწვდომობის შესახებ და საქართველოს სახალხო დამცველს აცნობა, რომ სამინისტრო შეიმუშავებს ნორმატიული აქტს, რომლითაც მსგავსი შემთხვევების მართვა სამედიცინო დაწესებულებების დონეზე დაარეგულირდება. 

აღსანიშნავია, რომ საქართველოს შრომის, ჯანმრთელობისა და სოციალური დაცვის მინისტრი და მისი თანამშრომლები ყოველთვის განსაკუთრებული ყურადღებით ეკიდებიან სახალხო დამცველის რეკომენდაციებს, წინადადებებსა და შუამდგომლობებს. სახალხო დამცველი პოზიტიურად აფასებს სამინისტროს ასეთ დამოკიდებულებას და იმედს გამოთქვამს, რომ მომავალში კიდევ უფრო გაძლიერდება შედეგზე ორიენტირებული თანამშრომლობა, რაც დადებითად აისახება საქართველოს მოქალაქეების მიერ ჯანმრთელობის უფლების ეფექტურ რეალიზაციაზე. 

საქართველოს სახალხო დამცველს განცხადებით მიმართა მოქალაქე მ. ფ-მ, რომელსაც ჰემოფილიით დაავადებული 4 შვილი ჰყავს. მისი ერთ-ერთი შვილი საჭიროებს სპეციალური პრეპარატის გადასხმას, მაგრამ საჩხერის საავადმყოფომ ვერ უზრუნველყო აღნიშნული პროცედურის ჩატარება. გარდა ამისა, განმცხადებლის ცნობით, თუ პაციენტს თავად აქვს მედიკამენტი, კლინიკა მას უარს ეუბნება გადასხმის ჩატარებაზე საქართველოს შრომის, ჯანმრთელობისა და სოციალური დაცვის სამინისტროს ინსტრუქციის თანახმად. 

ნიშანდობლივია, რომ განმცხადებელი მიეკუთვნება სიღარიბის ზღვარს ქვემოთ მყოფთა კატეგორიას და ბავშვების ყოველ ჯერზე დედაქალაქში გადაყვანა მის ფინანსურ შესაძლებლობებს აღემატება. 

საქართველოს ჰემოფილიის ასოციაციის 2012 წლის დეკემბრის მონაცემებით, ქვეყანაში დიაგნოსტირებულია და ჰემოფილიის ცენტრში მემკვიდრული სისხლდენითი დაავადებით აღრიცხვაზე იმყოფება  313 პაციენტი. 

პაციენტები, რომლებიც ცხოვრობენ ჰემოფილიის ცენტრიდან დაცილებულ ქალაქებსა და სოფლებში, სისხლდენის დროს ინფუზიის გაკეთების მიზნით მიმართავენ უახლოეს ამბულატორიას ან კლინიკას, თუმცა აღნიშნავენ, რომ სამედიცინო პერსონალი ინფუზიაზე ხშირად უარს აცხადებს. ამის გამო პაციენტი რჩება სამედიცინო დახმარების გარეშე, ან იძულებულია, სამედიცინო დაწესებულების გარეთ ეძებოს პირი, რომელიც პროცედურის ჩატარებას გარკვეული საფასურის გამო დათანხმდება. 

არსებული პრობლემიდან გამომდინარე, საქართველოს სახალხო დამცველმა რეკომენდაციით მიმართა საქართველოს შრომის, ჯანმრთელობისა და სოციალური დაცვის მინისტრს ბატონ დავით სერგეენკოს და სთხოვა მიიღოს შესაბამისი ზომები, რათა უზრუნველყოფილი იქნეს სისხლდენითი დაავადებების მქონე პაციენტებისთვის დეფიციტური ფაქტორ-კონცენტრატის ინფუზია ქვეყნის მთელ ტერიტორიაზე.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC