17:57, Friday, 13.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქობულეთის გამგებელს თანხების გაფლანგვას ედავებიან

29.07.2013
 
მაკა მალაყმაძე, აჭარა 

ბათუმის საქალაქო სასამართლოს მოსამართლემ, დავით მამისეიშვილმა ქობულეთის გამგებელის თენგიზ ზოიძის მიმართ აღკვეთის ღონისძიების არც ერთი სახე არ გამოიყენა და ზოიძე  სხდომის დარბაზიდან გაათავისუფლა. 

ზოიძე საქართველოს ფინანსთა სამინისტროს საგამოძიებო სამსახურის თანამშრომლებმა სამსახურებრივი უფლებამოსილების ბოროტად გამოყენების, ყალბი საგადასახადო დოკუმენტების დამზადება-გამოყენებისა და სახელმწიფოს კუთვნილი დიდი ოდენობით თანხების გაფლანგვის ბრალდებით 26 ივლისს დააკავეს. 

ზოიძე თავს დამნაშავედ არ ცნობს და საქმეში პოლიტიკურ ნიშნებს ხედავს: „ამ საქმის ამოქექვა სხვა რაღაცებზე მიანიშნებს. თუმცა, მოსამართლემ მიიღო ის გადაწყვეტილება, რაც უნდა მიეღო. ის რამდენიმე დღე რაც წინასწარ დაკავებაში ვიყავი, ვფიქრობ ისტორიას ჩაბარდება და საქმეზე საბოლოო გადაწყვეტილებაც დღეის მსგავსი იქნება“.

რამინ პაპიძე, ადვოკატი: „თენგიზ ზოიძის დაკავების დროს რაიმე აუცლებლობა იმისა, რომ ის დაეკავებინათ, არ არსებობდა. ის ფორმალური საფუძვლები რაც მისი დაკავებისთვის იყო მითითებული, სასამართლოში ვერ იქნა დასაბუთებული“. 

ბრალდება ზოიძეს სახელმწიფო შესყიდვების დარღვევით გამართვას ედავება, რამაც სახელმწიფოს კუთვნილი 76 754–ლარის ოდენობით თანხის გაფლანგვა გამოიწვია. 

ქობულეთის გამგებელთან ერთად ბრალი წაყენებული აქვს კეთილმოწყობის სამსახურის ყოფილ უფროსს, ემზარ ჯინჭარაძესაც. სასამართლომ მას აღმკვეთ ღონისძიებად გირაოს სახით 5000 ლარის გადახდა დაეკისრა. 

სასამართლო პროცესი ბათუმის საქალაქო სასამართლოში თითქმის სამი საათის განმავლობაში მიმდინარეობდა. გამგებელი ზოიძე, ამ ეტაპზე თანამდებობაზე რჩება. სასამართლოს მისთვის სამსახურეობრივი უფლებამოსილება არ შეუჩერებია.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC