ფოტო: სალომე ჩხეიძე
27 ივლისს თბილისის საქალაქო სასამართლოში თავდაცვის ყოფილი მინისტრის, ბაჩანა ახალაიას სასამართლო პროცესი გაიმართა. საქმე ეხება სენაკის ბრიგადაში ჯარისკაცების აბანოში გამოკეტვის, ვაზიანის ბრიგადაში ჯარისკაცების ცემისა და ბიზნესმენ ზვიად აბესაძისთვის თავისუფლების უკანონოდ აღკვეთის ეპიზოდს.
ახალაიასთან ერთად ბრალდებულები არიან გიორგი კალანდაძე, მერაბ კიკაბიძე, ზურაბ შამათავა, ალექსანდრე გორგაძე, გაგა მკურნალიძე, გიორგი კინწურაშვილი და მანუჩარ დარასელია.
საბოლოო სიტყვების მოსმენის შემდეგ მოსამართლე დარახველიძემ სასამართლო განხილვა გადადო. იგი განაჩენს სავარაუდოდ, შემდეგ სხდომაზე გამოაცხადებს.