საკონტაქტო პირი საქმიანობას განახორციელებს ქ.  გურჯაანში, ადამიანის უფლებათა ცენტრის ოფისში.

ძირითადი მოვალეობები:

• საკონტაქტო პირი სახალხო დამცველის ცენტრალურ ოფისთან წინასწარი შეთანხმებით უზრუნველყოფს უფლებადარღვეული მოქალაქეებისთვის ახსნა–განმარტებების ჩამორთმევას, მათი სათანადო წესით დამუშავებასა და მიწოდებას სახალხო დამცველის ცენტრალური ოფისისთვის. 

• საკონტაქტო პირი, საჭიროებისამებრ, განახორციელებს გასვლით ვიზიტებს რაიონებში, რათა ახსნა-განმარტებები მიიღონ მოქალაქეებისაგან ადგილზე.

• საკონტაქტო პირი ადამიანის უფლებათა სავარაუდო დარღვევის შესახებ რეგულარულად მიაწვდის ინფორმაციას სახალხო დამცველის თბილისის ოფისს. 

• სახალხო დამცველის ოფისს საკონტაქტო პირი დაეხმარება კახეთის რეგიონში სხვადასხვა სამუშაო შეხვედრების ორგანიზებაში. კერძოდ,  შეხვედრებისთვის ადგილობრივი მოსახლეობის მობილიზებაში, საინფორმაციო მასალების გავრცელებაში და ა.შ.

• საკონტაქტო პირი დაეხმარება სახალხო დამცველის ოფისს ადამიანის უფლებების მდგომარეობის შესახებ რეგიონული ანგარიშის მომზადებაში. კერძოდ, უზრუნველყოფს კახეთის რეგიონისთვის დამახასიათებელი ძირითადი ტენდენციების იდენტიფიცირებას, მათ გარკვეულ სისტემატიზაციასა და შესაბამისი ფაქტობრივი მასალების შეგროვებას. 

• საკონტაქტო პირი უზრუნველყოფს სახალხო დამცველის ცენტრალური ოფისისთვის რეგიონში ადამიანის უფლებათა მდგომარეობის გაუმჯობესების კუთხით სხვადასხვა რეკომენდაციების მიწოდებას.

• საკონტაქტო პირი ითანამშრომლებს რეგიონში მოქმედ არასამთავრობო ორგანიზაციების ადგილობრივ წარმომადგენლობებთან და მასმედიის საშუალებებთან.

კვალიფიკაცია:

• უმაღლესი განათლება სამართალმცოდნეობის მიმართულებით

• ადამიანის უფლებათა სფეროში მუშაობის მინიმუმ 2-წლიანი გამოცდილება 

• ადამიანის უფლებათა საერთაშორისო სამართლის ძირითადი დოკუმენტების კარგი ცოდნა

• Microsoft Office-ის პროგრამების კარგი ცოდნა

• გუნდურად და ინდივიდუალურად მუშაობის უნარი

• კომუნიკაციისა და ორგანიზების გამორჩეული უნარი

• ანალიტიკური და კრიტიკული აზროვნების უნარი, პუნქტუალობა, ობიექტურობა

ანაზღაურება: 650 ლარი (დარიცხული ხელფასი)

განაცხადის შეტანის პროცესი:

აპლიკანტებმა უნდა გააგზავნონ ქვემოთ ჩამოთვლილი დოკუმენტები შემდეგ მისამართზე: hridc@hridc.org. 

• CV

• სამოტივაციო წერილი, სადაც მოკლედ მიუთითებთ თქვენს კვალიფიკაციას,  და განმარტავთ, თუ რატომ ხართ დაინტერესებული აღნიშნულ პოზიციაზე მუშაობით

გთხოვთ,  ელ-ფოსტის თემის “subject” ველში მიუთითოთ თუ რომელ პოზიციაზე შემოგაქვთ განაცხადი. მაგ: „სახალხო დამცველის საკონტაქტო პირი - ვაკანსია“. განაცხადის შემოტანის ბოლო ვადაა 2013 წლის 26 ივლისი.