21:02, Wednesday, 11.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქარელის გამგებლის მოვალეობის ყოფილი შემსრულებელი, სამსახურიდან გათავისუფლების გამო, სასამართლოს მიმართავს

11.09.2013

 
ლადო ბიჭაშვილი, შიდა ქართლი

ქარელის მუნიციპალიტეტის გამგებლის მოვალეობის ყოფილი შემსრულებელი სასამართლოს მიმართავს. აღნიშნულის შესახებ ემიკო ფეიქრიშვილმა 9 სეტემბერს გორში დემოკრატიის ჩართულობის ცენტრში გამართულ  პრეს-კონფერენციაზე განაცხადა.

როგორც ფეიქრიშვილმა ჟურნალიტებს განუცხადა, საკრებულოს თავჯდომარე პაატა ღვინიაშვილი სახელმწიფო უშიშროების სამსახურში დაიბარეს, დაემუქრნენ და ზეწოლის შედეგად მიიღბინეს ფეიქრშვილის გათავისუფლების საკითხის საკრებულოს სხდომაზე გატანის გადაწყვეტილება. ფეიქრიშვილი სასამართლოსგან  30 აგვისტოს  ქარელის მუნიციპალიტეტის საკრებულოს მიერ მიღებული იმ  გადაწყვეტილების ბათილად ცნობას მოითხოვს, რომლის შედეგადაც , ის თანამდებობიდან გათავისუფლდა და ქარელის მუნიციპალიტეტის გამგებლის მოვალეობის შემსრულებლად ყოფილი პოლიციელის ზაზა გულიაშვილი დაინიშნა.

,,როდესაც მოქმედი პოლიციის უფროსი მოვიდა კაბინეტში და მითხრა, რომ ზემოთ არის გადაწყვეტილი ჩემი სამსახურიდან გათავისუფლება, ვკითხე მოტივი და ვერ მიპასუხა. მაშინ მე ვთხოვე დაესახლებინა ვინ იყო ის პიროვნება, რომელმაც ჩემი სასამხურიდან გაშვება მოითხოვა. მან  შინაგან საქმეთა მინისტრი ღარიბაშვილი დაასახელა“- ამბობს ფექრიშვილი. 

ქარელის პოლიციის  უფროსის ყოფილი მოადგილე და ამჟამად ქარელის მუნიციპალიტეტის გამგებლის მოვალეობის შემსრულებელი ზაზა გულიაშვილი კი, უარყოფს ფეიქრიშვილთან მსგავს საუბრებს. საკრებულოს თავმჯდომარეც უარყოფს ფეიქრიშვილის ბრალდებებს და ამბობს,  რომ თუ უკანონო გადაწყვეტილება მიიღეს,  ამას სასამართლო დაადგენს.

ფეიქრიშვილის ინტერესებს სასამართლოში ახალგაზრდა იურისტთა ასოციაციის გორის ოფისი თავჯდომარე ქეთევან ბებიაშვილი დაიცვას, მისი თქმით საკრებულომ დაარღვია კანონი როდესაც დაუსაბუთებლად გაათავისუფლა სამსახურიდან ფეიქრიშვილი და მის ადგილზე კონკურსის გვერდის ავლით გარეშე პირის კანდიდატურას უყარა კენჭი. 

,,უკანონოდ მოხდა გათავისუფლება ვინაიდან ამ პერიოდში აუცილებლად  უნდა გამოეცხადებინათ კონკურსი და მხოლოდ ამ გზით უნდა მომხდარიყო ცვლილების განხორციელება, მით უფრო რომ ქარელის მუნიციპალიტეტში ბატონი ემიკოს გარდა იყო კიდევ ერთი მოადგილე რომელიც ობიექტური და სამართლიანი ცვლილებების განხორციელების შემთხვევაში უნდა დაენიშნა საკრებულოს გამგებლის მოვალეობის შემსრულებლად. მაგრამ არავითარ შემთხვევაში გარეშე პირი არ უნდა ყოფილიყო შემოყვანილი. გარდა ამისა, ფეიქრიშვილის გათავისუფლების მოტივი საკრებულოს არ დაუსაბუთებია“ - აცხადებს ,,საია“ წარმომადგენელი ქეთევან ბებიაშვილი.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC