11:11, Monday, 13.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბერა ივანიშვილის კონცერტი და სატრანსპორტო მოძრაობის შეზღუდვა ქუთაისში

26.09.2013

 
შორენა კაკაბაძე, ქუთაისი 

"ქართული ოცნების" საპრეზიდენტო კანდიდატის გიორგი მარგველაშვილის მხარდასაჭერად 24 სექტემბერს ქუთაისის ერთ-ერთ ძველ, რეაბილიტირებულ უბანში ბერა ივანიშვილმა კონცერტი გამართა.

აღნიშნული ღონისძიებისთვის მზადება სამი დღით ადრე დაიწყო. ქალაქის ცენტრალურ ქუჩაზე სატრანსპორტო მოძრაობა 22 სექტემბრიდან შეიზღუდა. გადაკეტილი იყო ცენტრალური მოედანი, სადაც მასშტაბური სცენა დამონტაჟდა. ადგილობრივები კი, აღნიშნულ ტერიტორიაზე  მხოლოდ ქვეითად გადაადგილდებოდნენ.

ადგილობრივი თვითმმართველობის ტრანსპორტის სამსახურში აცხადებდნენ, რომ სატრანსპოტრო შეზღუდვის ნებართვა საპატრულო პოლიციამ ისე გასცა, რომ მათთვის არაფერი უკითხავს. 

რაც შეეხება აღნიშნული შეზღუდვის გამო საქალაქო ტრანსპორტის შეცვლილ მარშრუტს, ამაზე მერიის ტრანსპორტის სამსახურმა იზრუნა. მან სპეციალურად 22, 23 და 24 სექტემბრისთვის ადგილობრივ საქალაქო ტრანსპორტს დროებითი შემოვლითი მარშრუტი დაუწესა.

"კონცერტი და დროსტარება კარგია, მაგრამ ისიც უნდა გაითვალისწინონ, რომ ცენტრალური ქუჩის სამი დღით გადაკეტვა (ისიც სამუშაო დღეებში) ცოტათი მეტისმეტია. თავის დროზე ამის გამო დღევანდელი ხელისუფლება "ნაციონალურ მოძრაობას" აკრიტიკებდადა ამბობდა: თავგასულები არიან, ხალხი არ ანაღვლებთო. დღეს კი, იგივეს თვითონ იმეორებს", - ამბობს ქუთაისელი გიორგი გურეშიძე.

მის მსგავსად, აღნიშნულის გამო უკმაყოფილებას სხვებიც გამოთქვამენ და სატრანსპორტო შეზღუდვაზე პასუხისმგებლობას ცენტრალურ ხელისუფლებას, კერძოდ კი, "ქართულ ოცნებას" აკისრებენ.

"კონცერტების ნაცვლად, ხელისუფლებას ურჩევნია, ხალხის მიმართ ყურადღება სხვა მხრივ გამოიჩინოს და ის დაპირებები, რომელიც წინასაპარლამენტო არჩევნების დროს გასცა, შეასრულოს. ხალხს პური და სამუშაო ადგილები ჭირდება და არა სანახაობა", - ამბობენ ადგილობრივები.
გადაკეტილი ქუჩები და შეზღუდული სატრანსპორტო მოძრაობა ადგილობრივმა მოსახლეობამ  ორი კვირის წინაც გააპროტესტა. მაშინ ქუთაისის რეაბილიტირებულ მოედანზე "ქართული ოცნების" საპრეზიდენტო კანდიდატის გიორგი მარგველაშვილის საარჩევნო შტაბის პრეზენტაცია საკმაოდ პომპეზურ ვითარებაში მოეწყო.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC