რუსთაველებს „ქდმ“-ს საპრეზიდენტო კანდიდატი შეხვდა

რუსუდან გოგოლაძე,  ქვემო ქართლი

5 ოქტომბერს  რუსთავში  „ქრისტიან-დემოკრატიული მოძრაობის“ პრეზიდენტობის კანდიდატი  იმყოფებოდა. თარგამაძე ადგილობრივ მოსახლეობას დემოკრატიული ჩართულობის ცენტრში  შეხვდა და წინასაარჩევნო პროგრამა გააცნო.

„ქდმ“-ს ლიდერის შეფასებით, მისი პროგრამის მთავარი პრიორიტეტი დასაქმება და შეღავათიანი სატარიფო პოლიტიკის გატარებაა.

„დღეს, ადგილობრივ მოსალხეობასთან ერთად უმთავრესი პრობლემის - უმუშევრობის შესახებ ვისაუბრეთ. მისი აღმოფხვრა კი, წარმოების განვითარების და სამუშაო ადგილების შექმნის გარეშე შეუძლებელია. შრომისმოყვარე ადამიანებს საკუთარი შემოსავლით ოჯახების რჩენის შესაძლებლობა უნდა ჰქონდეთ. ინვესტიციები უნდა ჩაიდოს, მცირე და საშუალო ენერგოსადგურების მშენებლობაში. ენერგეტიკაზე კი, საჭიროა სახელმწიფო კონტროლის განხორციელება,“-განაცხადა თარგამაძემ.