02:48, Tuesday, 15.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საზოგადოებრივი მაუწყებლის სამეურვეო საბჭოს თავმჯდომარე ირაკლი ღარიბაშვილს მიმართავს

21.11.2013

 

20 ნოემბერს საზოგადოებრივი მაუწყებლის სამეურვეო საბჭოს თავმჯდომარემ, ემზარ გოგუაძემ პრესკონფერენცია გამართა და საქართველოს შინაგან საქმეთა მინისტრის მოვალეობის შემსრულებელს, პრემიერმინისტრობის კანდიდატს, ირაკლი ღარიბაშვილს მიმართა. გოგუაძე ღარიბაშვილს უსაფრთხოების საკითხებში საზოგადოებრივი მაუწყებლის გენერალური დირექტორის მრჩევლის, ირაკლი ციბაძის თანამდებობიდან გათავისუფლებას სთხოვს. 

მისი განმარტებით, სამეურვეო საბჭოს არაერთი საჯარო განცხადებისა და შინაგან საქმეთა სამინისტროსთვის მიმართვის მიუხედავად, ციბაძეზე ოფიციალური ინფორმაცია არ მიუღია.

„შსს-ს საზოგადოებასთან ურთიერთობის დეპარტამენტის ხელმძღვანელმა, ნინო გიორგობიანმა რამდენჯერმე თქვა მასმედიის საშუალებით, რომ ციბაძე არ გახლდათ შინაგან საქმეთა სამინისტროს თანამშრომელი. გუშინ კი დეპუტატ გიორგი კანდელაკის კითხვას აღნიშნულ საკითხთან დაკავშირებით, ირაკლი ღარიბაშვილის მხრიდან მოჰყვა ფაქტობრივად დადასტურება იმისა, რომ ციბაძე ნამდვილად არის მისი უწყების თანამშრომელი“, - განმარტა გოგუაძემ.

გიორგი კანდელაკმა 19 ნოემბერს ირაკლი ღარიბაშვილს ჰკითხა, იყო თუ არა, საზოგადოებრივი მაუწყებლის გენერალური დირექტორის მრჩეველი, უსაფრთხოების საკითხებში, შინაგან საქმეთა სამინისტროს თანამშრომელი?
ღარიბაშვილმა კანდელაკის კითხვას ასე უპასუხა - „არასოდეს არ გაგჩენიათ კითხვა და ვერ გაბედავდით ჩემი წინამორბედისთვის გეკითხათ, რატომ არიან ოდერ-ები სამინისტროებში. მე ამ კონკრეტულ კითხვაზე არ გიპასუხებთ“.

გოგუაძის თქმით, საზოგადოებრივ მაუწყებელში უშიშროების ოფიცრის თანამდებობის არსებობა (უსაფრთხოების საკითხებში გერალური დირექტორის მრჩეველი) არღვევს დემოკრატიულობისა და გამჭვირვალობის უმთავრეს პრინციპებს და ეწინააღმდეგება თავისუფალი მედიის არსებობას. ემზარ გოგუაძემ 6 სექტემბერს განაცხადა, რომ ციბაძე მასზე ზეწოლას ახორციელებდა და ემუქრებოდა.

საქართველოს საზოგადოებრივი მაუწყებლის საჯარო ინფორმაციის გაცემაზე პასუხისმგებელი პირის მიერ Media.Ge-თვის მიწოდებული ინფორმაციის მიხედვით, ირაკლი ციბაძე მაუწყებელში 2013 წლის 21 მარტიდან მუშაობს და გენერალური დირექტორის მრჩევლის თანამდებობა უკავია.
 
Media.Ge-მ სცადა გაერკვია იყო, თუ - არა, ირაკლი ციბაძე საქართველოს შინაგან საქმეთა სამინისტროს თანამშრომელიც. თუმცა სამინისტრომ გამოცემის მიერ გამოთხოვილი საჯარო ინფორმაცია არ მოგვაწოდა. თუმცა ერთერთი სატელეფონო საუბრისას, შსს-ს საზოგადოებასთან ურთიერთობის სამსახურის ხელმძღვანელმა, ნინო გიორგობიანმა განგვიცხადა, რომ ირაკლი ციბაძე შსს-ს თანამშრომელი არ არის.  
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC