კრებულის „კარი გამიღე“ პრეზენტაცია

კრებული ჯანმრთელობის პრობლემის მქონე ადამიანთა ცხოვრებაზე თანამედროვე ქართველ მწერალთა მხატვრულ გამოხატულებას წარმოადგენს. 

მწერლების, თავად პაციენტების და უფლებათა დამცველების პირველი შეხვედრა 2-4 ოქტომბერს სტეფანწმინდაში, სასტუმრო „რუმს ყაზბეგში“ გაიმართა. 

ამ შეხვედრის შემდეგ მწერლებს მიეცათ ერთ თვიანი პერიოდი ნამუშევრების შესაქმნელად.

 

ცხრა თანამედროვე ქართველმა მწერალმა მოთხრობები დაწერა პალიატიურ მზრუნველობაზე, აივ ინფექცია/შიდსზე, C ჰეპატიტზე, აუტიზმზე, დაუნის სინდრომზე, წამალდამოკიდებულ ადამიანებზე, შეზღუდული შესაძლებლობების და ფსიქიკური პრობლემების მქონე პირებზე. 

ამ თემების მხატვრული ილუსტრირება ხელს შეუწყობს არსებული სტიგმის შემცირებას და თემების წინ წამოწევას. კრებულის პრეზენტაციაზე მოხდება მოთხრობების კითხვა.

 

პროექტის „მწერლები ადამიანის უფლებებისთვის“ მიზანია პაციენტის უფლებების პოპულარიზაცია და მათი პრობლემების საზოგადოებამდე ლიტერატურული ტექსტების მეშვეობით მიტანა.