06:54, Wednesday, 23.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრის პრესკონფერენცია 2011 წლის 26 მაისს ყინწვისში დაკავებულ პოლიტპატიმართა პრობლემებზე

18.12.2013

 
19 დეკემბერს 11:30 საათზე პრაიმ-ტაიმის პრესკლუბში ადამიანის უფლებათა ცენტრი აწყობს პრესკონფერენციას ყოფილი პოლიტპატიმრების, წარსულში ე.წ. ყინწვისის საქმეზე გასამართლებული პირების პრობლემებთან დაკავშირებით. 

ადამიანის უფლებათა ცენტრმა 2013 წლის 5 აპრილს განცხადებით მიმართა საქართველოს მთავარ პროკურატურას, რათა შეესწავლათ 2011 წლის 26 მაისს ყინწვისში დაკავებული ადამიანების  საქმე  და  კომპეტენციის ფარგლებში მოეხდინათ რეაგირება მათ მიმართ განხორციელებული წამებისა და არაადამიანური მოპყრობის ფაქტებზე.

აღნიშნული საქმე კონსტიტუციური უფლებების შელახვის სამწუხარო მაგალითია, რაც აშკარად იკვეთება მათ წინააღმდეგ აღძრული სისხლის სამართლის საქმის მასალების შესწავლისას. 

პატიმრებმა საპყრობილე 2012 წლის 28 დეკემბრის „ამნისტიის შესახებ“ კანონის ძალით დატოვეს. ამავე კანონით მათ მინიჭებული აქვთ პოლიტპატიმრის სტატუსი. 

გარდა იმისა, რომ ადამიანის უფლებათა ცენტრი წამებისა და არაადამიანური მოპყრობის ფაქტების ეფექტურ გამოძიებას მოითხოვს, ყინწვისის სპეცოპერაციის დროს დაკავებულთა ძირითად მიზანს უკანონო და დაუსაბუთებელი სასამართლო გადაწყვეტილების ხელახლა გადახედვა და სამართლიანობის აღდგენა წარმოადგენს. 

ადამიანის უფლებათა ცენტრს მიაჩნია, რომ ასეთ ვითარებაში საუკეთესო გამოსავალია მართლმსაჯულების ხარვეზების დამდგენი კომისიის დროულად შექმნა. ეს კომისია განიხილება სამართლიანობის აღდგენის ერთ-ერთ ძირითად ბერკეტად, რასაც ყინწვისში დაკავებული ადამიანების გარდა, უკანონობის მსხვერპლი ათასობით ადამიანი ელოდება. მათი დიდი ნაწილი ჯერ კიდევ საპატიმროშია და განაჩენის გადახედვას მოითხოვს. 

მიუხედავად იმ სირთულეებისა, რაც მართლმსაჯულების ხარვეზების დამდგენი  კომისიის შექმნას ახლავს, მისი შექმნის საკითხის გადადება დაუშვებელია.  ხელისუფლებამ უკანონობის მსხვერპლ ადამიანებს დროულად უნდა შესთავაზოს გარკვეული  მექანიზმი, რაც საზოგადოებას სამართლიანობის შეგრძნებას დაუბრუნებს.

ადამიანის უფლებათა ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC