ნინო დევიძე, კახეთი
საავტომობილო გზების დეპარტამენტის ინფორმაციით, ვაზიანი-გომბორი-თელავის საავტომობილო გზის მონაკვეთში მისაბმელიანი და ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობაა აკრძალული. ხოლო, დანარჩენი სახის ავტოტრანსპორტის მოძრაობა მონაკვეთში დასაშვებია მოცურების საწინააღმდეგო ჯაჭვების გამოყენებით. საავტომობილო გზების დეპარტამენტის განმარტებით, გზის დანარჩენ მონაკვეთში ავტოტრანსპორტის მოძრაობა თავისუფალია.
სინოპტიკოსების ცნობით, არამდგრადი ამინდები 20 თებერვლამდე შენარჩუნდება შემდეგ კი ნელ-ნელა დათბება.