21:51, Tuesday, 07.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გიორგი ღვინიაშვილი - 'საგარეჯოს გამგებელმა სახელმწიფო ქონება მიითვისა, მაგრამ საქმე მაინც შეწყდა'

27.02.2014
 მიხეილ მამალაშვილი, კახეთი

საპარლამენტო უმცირესობის წევრი და გურჯაანის მაჟორიტარი დეპუტატი გიორგი ღვინიაშვილი, პოლიტიკური მიუკერძოებლობის შესახებ პრეზიდენტ გიორგი მარგველაშვილის განცხადებას გამოეხმაურა. ღვინიაშვილის თქმით, მიუხედავად იმისა, რომ საგარეჯოს მუნიციპალიტეტის გამგებელმა სახელმწიფო ქონება მიითვისა, მის მიმართ სისხლისსამართლებრივი დევნა მაინც შეწყდა.

„ბატონო პრეზიდენტო, თქვენს გამოსვლაში ახსენეთ პოლიტიკური მიუკერძოებლობა და პოლიტიკური დევნა, რომელსაც თურმე ადგილი არ აქვს ჩვენს ქვეყანაში. მინდა აუცილებლად ხაზი  გავუსვა, როგორ მიმდინარეობს წინასაარჩევნო კამპანია, როდესაც იმ კანდიდატებს, რომლებსაც რეალური შანსი აქვთ გაიმარჯვონ არჩევნებში, რამდენიმე თვით ადრე პირდაპირ აპატიმრებენ. პოლიტიკური დევნა არის ზუსტად ის, რომ 4 წლის წინ 12 ათასი ლარის მითვისების ბრალდებით ხონის გამგებელს დღეს ციხეში აგდებენ, მაგრამ პოლიტიკური შემწყნარებლობაა ის, რომ საგარეჯოს გამგებელმა მოადგილეებთან ერთად დაახლოებით 200 ათასი ლარი სახელმწიფოს ქონება მიითვისა და მას საქმე შეუწყვიტეს გაურკვეველი ვითარების გამო. აი ეს არის პოლიტიკური შემწყნარებლობა და ის არის პოლიტიკური დევნა“, – განაცხადა გიორგი ღვინიაშვილმა პარლამენტში სიტყვით გამოსვლისას.

საგარეჯოს გამგებელი გიორგი ლოლაძე და მასთან ერთად კიდევ 4 ჩინოვნიკი და სამი შპს–ს დირექტორი 12 ივნისს, უფლებამოსილების ბოროტად გამოყენებისა და 80 ათასი ლარის მითვისების ბრალდებით დააკავეს. „ქართული ოცნებიდან“ საგარეჯოს მაჟორიტარი დეპუტატი თინათინ ხიდაშელი, რომლის კადრიც არის ლოლაძე, ირწმუნებოდა, რომ ბრალდებულები უდანაშაულოები იყვნენ. 24 ოქტომბერს, მთავარმა პროკურატურამ გიორგი ლოლაძის მიმართ სისხლის სამართლებრივი დევნა შეწყვიტა. 5 ნოემბერს, კი საგარეჯოს საკრებულოს თავმჯდომარემ N197 ბრძანებით, ლოლაძე თანამდებობაზე აღადგინა. კოალიცია „ქართული ოცნების“ წევრი პარტიების საგარეჯოს ორგანიზაციების წარმომადგენლების განცხადებით, ამას წინ უძღოდა მაჟორიტარი დეპუტატის თინა ხიდაშელის ულტიმატუმი, რომ თუ გამგებელი გიორგი ლოლაძე არ იქნებოდა, საგარეჯოში პროექტები არ განხორციელდებოდა. არადა, მთავარი პროკურატურის დადგენილებით დასტურდება, რომ გიორგი ლოლაძემ სისხლის სამართლის დანაშაული ჩაიდინა,   თუმცა ამავე დადგენილებაში აღნიშნულია, რომ „გამოძიების საწყისი ეტაპისგან განსხვავებით, სახეზეა ვითარება, როდესაც აღარ არსებობს გიორგი ლოლაძის მიმართ სისხლისსამართლებრივი დევნის განსახორციელებელი საჯარო სამართლებრივი ინტერესი“.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC