16:03, Wednesday, 03.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხურვალეთიდან გატაცებული სამი მოქალაქე ცხინვალის იზოლატორში იმყოფება

25.08.2014

 
ლადო ბიჭაშვილი, შიდა ქართლი

შიდა ქართლის ოკუპირებული ტერიტორიის საზღვრისპირა სოფელ ხურვალეთიდან 22 აგვიტოს რუსმა სამხედროებმა სამი მოქალაქე დააკავეს დააკავეს. სამივე მათგანი ამ დროისთვის ცხინვალის წინასწარი დაკავების იზოლატორში იმყოფება.  

დაკავებულები არიან მამა-შვილი ავთანდილ და შოთა აწკარუნაშვილები და ილია კუდუხაშვილი. ოჯახის წევრების ინფორმაციით, აწკარუნაშვილები დილით სოფელში თივის პრესების შესაძენად იყვნენ გასულები. ისინი ამ დროს გაიტაცეს.  

ქეთევან მაისურაძე, შოთა აწკარუნაშვილის დედა: „ოფიციალურად არავის არაფერი არ უთქვამთ, მაგრამ გადავრეკეთ ცხინვალში და გავიგეთ, რომ ცხინვალის მილიციაში   ჰყავთ დაკავებული.  ნაცნობი ვნახეთ და მივგზავნეთ, მაგრამ არ ანახვეს. ოღონდ, დაუდასტურეს, რომ იზოლატორში არიან. ასევე, უთხრეს ახლა დოკუმენტებს ველოდებით და რაც უფრო მალე მოიტანენ, მით უფრო მალე გავათავისუფლებთო. ოჯახს ჩვენ თვითონ დავუკავშირდებითო, მაგრამ ცხინვალიდან ჯერ არავინ დაგვკავშირებია“.

საქართველოს შინაგან საქმეთა სამინისტროს ანალიტიკური დეპარტამენტის უფროსის, გოჩა რატიანის განცხადებით, აღნიშნულთან დაკავშირებით შსს-მ მუშაობა დაიწყო და მორიგი გატაცების ფაქტზე საქმის კურსშია ევროკავშირის სადამკვირვებლო მისიაც.
 
„ჩვენ მყისვე ჩავერთეთ ამაში. ევროკავშირის სადამკვირვებლო მისია გაფრთხილებულია. დღესდღეობით ცხინვალის იზოლატორში არიან გადაყვანილნი. ჩვენ ყველა ჩვენს ხელთ არსებულ რესურსს ვიყენებთ“, - აღნიშნა რატიანმა.

აწკარუნაშვილები გორის მუნიციპალიტეტის სოფელ ახალდაბაში ცხოვრობდნენ და ხურვალეთში თივის პრესების საყიდლად იყვნენ ასულები. 

ოჯახის წევრების განმარტებით, ტერიტორიას, საიდანაც ავთანდილ და შოთა აწკარაუნაშვილები გაიტაცეს, ქართული მხარე აკონტროლებს. გატაცებულები ოკუპირებულ ტერიტორიაზე არ გადასულან და ე.წ. საზღვარი არ დაურღვევიათ.  
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC