05:05, Friday, 14.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გაქცეული მსჯავრდებული აფხაზეთის საზღვართან დააკავეს

23.09.2014

 
შორენა კაკაბაძე, ქუთაისი   

სასჯელაღსრულების მე-14 დაწესებულების ერთ-ერთი პატიმარი 21 სექტემბერს ქუთაისის ინფექციური საავადმყოფოდან გაქცევიდან რამდენიმე საათში სამართალდამცველებმა ზუგდიდის მუნიციპალიტეტის სოფელ რუხში, გალის საზღვართან დააკავეს. 

სასაჯელაღსრულების სამინისტროს განცხადებით: "34 წლის პატიმარი, რომელიც სასჯელს 2009 წლიდან იხდიდა,  ქრონიკული დაავადებებით გეგუთის კოლონიიდან ჯანდაცვის დაწესებულებაში არაერთხელ იქნა მოთავსებული და ამჯერადაც, ქუთაისის ინფექციურ საავადმყოფოში რამდენიმედღიანი მკურნალობის შემდეგ, 21 სექტემბერს ციხეზე უნდა გადაეყვანათ. თუმცა, იგი სწორედ 21 სექტემბრის გამთენიას საავადმყოფოს მეორე სართულის ფანჯრიდან გადაძვრა და გაიქცა."

გამოძიება პატიმრის მიმართ სისხლის სამართლის კოდექსის 379-ე მუხლის პირველი, ხოლო სასჯელაღსრულების დეპარტამენტის გარე დაცვისა და ბადრაგირების მთავარი სამმართველოს ქუთაისის განყოფილების თანაშრომელთა მიმართ 243-ე პრიმა მუხლის პირველი ნაწილით დაიწყო. გაქცეულ მსჯავრდებულს სასჯელაღსრულების დაწესებულებაში დამატებით 4 წლის გატარება მოუწევს. დაკავებული ბადრაგის თანამშრომელთა სასჯელზე კი, სამართალდამცველები მსჯელობენ.

humanrights.ge სახალხო დამცველის იმერეთის რეგიონალური ოფისის რწმუნებულს დაუკავშირდა და აღნიშნულთან დაკავშირებით კომენტარი სთხოვა. მადონა ბასილაძის განმარტებით: "ვერ გეტყვით, რომ პატიმარი ციხეზე ყოფნისას რაიმე განსაკუთრებულ პრობლემებზე ჩიოდა. თუ არ ჩავთვლით იმ ფაქტს, რომ მას ჯანმრთელობის სერიოზული პრობლემები ჰქონდა და ციხის სამედიცინო ნაწილზე იყო. ციხეზე არსებულ რაიმე პრობლემებთან დაკავშირებით პატიმრის, ან მისი ადვოკატის მხრიდან არანაირი მომართვა სახალხო დამცველის სახელზე არ ყოფილა. რაც შეეხება მისი ჯანმრთელობის შესახებ ინფორმაციას, იგი კონფიდენციალურია და პატიმრის თანხმობის გარეშე მისი გაცემა ჩვენ არ შეგვიძლია."
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC