03:09, Monday, 25.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქუთაისის სააპელაციო სასამართლომ განაჩენი ძალაში დატოვა

22.10.2014

 
შორენა კაკაბაძე, ქუთაისი

5 წლით თავისუფლების აღკვეთა ივანე მერაბიშვილს, 50 ათასი ლარის ჯარიმა ზურაბ ჭიაბერაშვილს - ქუთაისის საქალაქო სასამართლოს მიერ მიმდინარე წლის 17 თებერვალს გამოტანილი განაჩენი ქუთაისის სააპელაციო სასამართლომ ძალაში დატოვა. 21 ოქტომბერს გამართულ სასამართლო სხდომაზე, რომელსაც ბრალდებულთაგან მხოლოდ ჯანდაცვის ყოფილი მინისტრი ზურაბ ჭიაბერაშვილი ესწრებოდა, მოსამართლემ დაცვის, ისევე როგორც ბრალდების მოთხოვნა, არ დააკმაყოფილა. 

პროკურატურა ჭიაბერაშვილის ნაწილში საქართველოს სისხლის სამართლის კოდექსის ორი მუხლის (ამომრჩევლის მოსყიდვა და სახელმწიფო ქონების გაფლანგვა) დამატებას და შეფარდებული გირაოს პატიმრობით შეცვლას  მოითხოვდა.

"ზურაბ ჭიაბერაშვილის ნაწილში, ვფიქრობ, რომ ჩვენი პოზიცია სრულიად დასაბუთებული იყო. მოსამართლემ არ დააკმაყოფილა ჩვენი მოთხოვნა. შესაბამისად, გავაგრძელებთ დავას უზენაეს სასამართლოში და მიღებულ გადაწყვეტილებას საკასაციო წესით გავასაჩივრებთ," - აღნიშნა პროკურორმა ქეთევან ჩაჩავამ.

რაც შეეხება დაცვის მხარეს, იგი სააპელაციო საჩივარში ქუთაისის საქალაქო სასამართლოს გადაწყვეტილების გაუქმებას ითხოვდა, რომლის მიხედვით, ივანე მერაბიშვილი დამნაშავედ სისხლის სამართლის კოდექსის 160-ე მუხლის მესამე ნაწილის "ბ" ქვეპუნქტით (ბინის ან სხვა მფლობელობის ხელშეუხებლობის დარღვევა), 182-ე მუხლის მეორე ნაწილის "დ" და მესამე ნაწლის "ბ" ქვეპუნქტებით (მითვისება, გაფლანგვა) და 164-ე პრიმა მუხლით (ამომრჩევლის მოსყდვა) იქნა ცნობილი.

„სხვა შედეგი არც იყო მოსალოდნელი, რადგან სასამართლო, ისევე როგორც პროკურატურა, ხელისუფლების წნეხის ქვეშაა. ვანო მერაბიშვილი, ყოფილი ხელისუფლების სხვა წარმომადგენლების მსგავსად, პოლიტიკური პატიმარია, "- აღნიშნა ზურაბ ჭიაბერაშვილი. 

ბრალდების მხარის მსგავსად, დაცვის მხარეც განაჩენის უზენაეს სასამართლოში გასაჩივრებას გეგმავს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC