10:47, Saturday, 21.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კვლავ ქუჩაში, კვლავ ჯანმრთელობის გაუარესების საფრთხის ქვეშ

08.12.2014

 
ნინო ახობაძე

4 დეკემბერს ადამიანის უფლებათა ცენტრმა „პრაიმ-ტაიმის“ პრესკლუბში უსახლკაროთა პრობლემების შესახებ პრესკონფერენცია გამართა. 

პრესკონფერენციაზე ადამიანის უფლებათა ცენტრმა მიმართა ქალაქ თბილისის მერს, დავით ნარმანიას, რომ ზამთრის პირობებში გააძლიეროს ძალისხმევა და ყურადღება უსახლკარო მოქალაქეთა დასახმარებლად. 

ადამიანის უფლებათა ცენტრი იცავს სოციალურად დაუცველ მოქალაქეს ნელი ლეკიაშვილს, რომელიც ქუჩაში ათევს ღამეებს. ქალბატონი ნელი 57 წლის, მეორე ჯგუფის ინვალიდი, ინსულინდამოკიდებული ქალბატონია, რომელსაც რამდენჯერმე გადატანილი აქვს ინსულტი და ინფარქტი, შესაბამისად მისი ქუჩაში ცხოვრება საფრთხეს უქმნის მის ჯანმრთელობას და სიცოცხლეს.  

„არ შეიძლება ამ ადამიანის ქუჩაში ცხოვრება. ეს მის ჯანმრთელობასა და სიცოცხლეს დიდ საფრთხეს უქმნის. ადამიანის უფლებათა ცენტრი ყველა ღონეს ხმარობს მის დასახმარებლად, თუმცა შედეგს ვერ მივაღწიეთ,“ -აცხადებს ადამიანის უფლებათა ცენტრის იურიდიული სამსახურის უფროსი თამარ ავალიანი.

ქალბატონმა ნელიმ და ადამიანის უფლებათა ცენტრის იურისტმა თამარ ავალიანმა არაერთხელ მიმართეს მერიას და მოითხოვეს მერთან შეხვედრა, თუმცა ამ თხოვნას შედეგი არ მოჰყოლია და მხოლოდ სატელეფონო საუბრისას აუხსნეს ნელი ლეკიაშვილს, რომ მსგავსი პრობლემა უამრავ ადამიანს აქვს და ჯერ მისი რიგი არ მოსულა. ერთადერთი რასაც სთავაზობენ, არის მოსკოვის გამზირზე მიუსაფართათვის გამართული კარვები, რომლებშიც გაუსაძლისი პირობებია, მით უმეტეს ადამიანისთვის, რომელსაც დღეში სამჯერ ინსულინის ნემსის გაკეთება სჭირდება.

„ოთხჯერ მივედი კარვების ქალაქში, თუმცა ოთხივეჯერ მითხრეს, რომ აქ შენნაირი დაავადების მქონე ადამიანი ვერ გაძლებსო, თან ადგილიც არ არისო. ისედაც მიჭირს ლაპარაკი და მოძრაობა ამდენი ინფარქტისა და ინსულტის შემდეგ და იქ როგორ ვიქნები, მით უმეტეს სულ წყალი დგას იმ კარვებში და ვერც სისუფთავის შენარჩუნებას შევძლებ,“_ აღნიშნა ნელი ლეკიაშვილმა.

ქალბატონი ნელის შესახებ წერდა humanrights.ge (http://humanrights.ge/index.php?a=main&pid=17928&lang=geo), ასევე რადიო თავისუფლებამაც გააკეთა სიუჟეტი მის შესახებ (http://www.radiotavisupleba.ge/media/video/problems-of-the-homeless/26677314.html), თუმცა პრობლემა ისევ გადაუჭრელია და ნელი ლეკიაშვილის ჯანმრთელობას კვლავ საფრთე ემუქრება, მით უმეტეს ზამთრის პირობებში.

„ადამიანის უფლებათა ცენტრი მიმართავს ქალაქ თბილისის მერს, მიიღოს სასწრაფო ზომები და ნელი ლეკიაშვილს გამოუყოს სათანადო საცხოვრებელი ფართი, ან გადაუხადოს ქირა. ამასთანავე, ნელი ლეკიაშვილი უზრუნველყოფილი უნდა იყოს ადეკვატური სამედიციო მკურნალობითა და საკვებით,“_ აღნიშნულია ადამიანის უფლებათა ცენტრის მერისადმი მიმართვაში.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC