04:38, Wednesday, 21.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თბილისის ადამიანის უფლებათა სახლში ფოტოგამოფენა გაიხსნა

12.12.2014

 
მაკა შამუგია

10 დეკემბერს, ადამიანის უფლებათა საერთაშორისო დღეს, თბილისის ადამიანის უფლებათა სახლის საკონფერენციო დარბაზში  გაიხსნა ფოტოგამოფენა, სახელწოდებით - „ქალები ადამიანის უფლებებისთვის“. გამოფენაზე წარმოდგენილილ იყო 2014 წელს ადამიანის უფლებათა სახლის ფონდის მიერ ორგანიზებული ქალი უფლებადამცველების ფოტო კონკურსზე წარმოდგენილი ფოტომასალა. ფოტოებზე ასახულია ქალი უფლებადამცველების საქმიანობა. გამოფენის გახსნას ესწრებოდა სახალხო დამცველი უჩა ნანუაშვილიც, რომელმაც დამსწრეებს სიტყვით მიმართა და უფლებადაცვით სფეროში ქალების მნიშვნელოვან როლზე ისაუბრა. 

ფოტოკონკურსში მონაწილეობდა 15 უფლებადამცველი ქალი სხვადასხვა ქვეყნიდან, წარმოდგენილი იყო 12 ფოტოგრაფის ნამუშევარი. ფოტოკონკურსში გაიმარჯვა ქართველმა ფოტოგრაფმა დარო სულაკაურმა, ადამიანის უფლებათა სახლის წევრი უფლებადამცველის, ლელა ცისკარიშვილის ფოტოთი.

გამოფენა თბილისის ადამიანის უფლებათა სახლის გამგეობის თავმჯდომარის ნინო ელბაქიძის გამოსვლით გაიხსნა: „ფოტოგამოფენა ადამიანის უფლებათა საერთაშორისო დღეს სიმბოლურად მივუძღვენი, რადგან მიგვაჩნია, რომ საზოგადოებაში უნდა გააქტიურდეს ქალის როლი, როგორც პოლიტიკურ, ისე საზოგადოებრივ ცხოვრებაში. დღევანდელი გამოფენის მიზანიც სწორედ  ისაა , რომ საზოგადოებას კიდევ ერთხელ შევახსენოთ, რომ ქალებს უმნიშვნელოვანესი როლი შეაქვთ უფლებადაცვით საქმიანობაში“.

გამოფენის სტუმრებს სიტყვით მიმართა სახალხო დამცველმა უჩა ნანუაშვილმაც. მისი თქმით, მნიშვნელოვანია, რომ ქალების უფლებებისთვის არა მხოლოდ ქალები იბრძოდნენ, არამედ მამაკაცებიც: „პრობლემები ქალთა უფლებების დაცვის თვალსაზრისით არის ძალიან სერიოზული. ჩვენი ინფორმაციით, ამ წლის განმავლობაში 26 ქალი იქნა მოკლული. რეალურად, სახელმწიფომ ვერ მოახერხა და ვერ დაიცვა ქალთა სიცოცხლე ძალიან ბევრ ადგილას. სამწუხაროდ, ეს ტენდენცია გრძელდება და ძალადობას შეიძლება ითქვას, რომ საკმაოდ მძიმე მასშტაბები აქვს“.

ადამიანის უფლებათა სახლის რეგიონული კოორდინატორის ქეთი აბაშიძის თქმით, გამოფენაში მონაწილე ქალები  არიან ადამიანის უფლებათა სახლის ქსელის წევრები. რაც შეეხება ადამიანის უფლებათა სახლების ქსელს, ეს არის საერთაშორისო ინიციატივა, რომელიც აერთიანებს დაახლოებით 70 არასამთავრობო ორგანიოზაციას 15 ქვეყნიდან.  მისივე თქმით გამოფენის მოწყობის იდეა საქართველოში გაჩნდა და შემდეგ ამ პროცესში ყველა წევრი ორგანიზაცია ჩაერთო. 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სიკვდილით სავსე ქალაქი
ჩაიცვით საუკეთესო ტანსაცმელი. კარგად დახედეთ ბავშვებს და ჩაეხუტეთ. მოიკითხეთ დედა. დაურეკეთ მეგობრებს. გადახედეთ სახლის საბუთებს, ხომ წესრიგშია. თქვენ მალე მოკვდებით. თქვენ მოკვდებით ავარიაში.
ვრცლად...
უგზო-უკვლოდ დაკარგულები - „არ დამივიწყო!“
კუდები გვაკვირვებს
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC