01:01, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მუსლიმებს ჭელის მეჩეთთან მისასვლელი ჭიშკარი ჩახერგილი დახვდათ

30.12.2014

 
ნათია გოგოლაშვილი

26 დეკემბერს, ადიგენის რაიონის სოფელ ჭელის მეჩეთში პარასკევის ლოცვაზე მისულ მუსლიმებს მეჩეთის შესასვლელ ჭიშკართან ხის მორები დახვდათ. მორები, ფაქტობრივად, ხერგავდა მეჩეთში შესასვლელ ჭიშკარს. ამის შესახებ ჭელის მეჩეთის წინამძღვარი ჯამბულ აბულაძე საკუთარი facebook-ის გვერდზე წერს და ფოტოსაც აქვეყნებს, სადაც მორები ზედ ჭიშკარზეა მიყრილი ისე, რომ ეზოში შესვლა ჭიშკრიდან შეუძლებელია. 

„არ შემიძლია თვალი დავხუჭო ისეთ უმსგავსოებაზე, რაც ბოლო დროს ხდება ჩვენს რაიონში. ჭელის მეჩეთის შესასვლელ ეზოში ჭიშკართან საშეშე მერქანს, ფაქტობრივად, ჩაკეტილი აქვს მეჩეთში შესასვლელი გზა. სამი დღეა, აქ არის დაყრილი. როცა პარასკევის ლოცვაზე მივედით ასე დაგვხდა მლოცველებს. პატრონი კი ვერ ვიპოვეთ. ბოლოს და ბოლოს, როგორც იქნა, მივაკვლიეთ საეჭვო პატრონს და გზა რაიონის მუნიციპალიტეტისაკენ წავიდა. როგორც შემდეგ მეგობრების დახმარებით გავარკვიეთ, ეს შეშა ადიგენის მუნიციპალიტეტის მიერ გამოყოფილი სოციალურად შეჭირვებული ადამიანებისათვის ყოფილა განკუთვნილი. თუ მართლა სოციალურად შეჭირვებული ადამიანებისათვის არის განკუთვნილი, მაშინ ამ ადამიანებს სახლში რატომ არ მიუტანეს? ეთქვათ მაინც და მე თვითონ დავეხმარებოდი შეშის ადრესატამდე მიტანაში“, - წერს ჯამბულ აბულაძე.

ჯამბულ აბულაძის თქმით, ფაქტის გახმაურებიდან, დაახლოებით, ერთ საათში უცნობმა პირებმა მეჩეთის ჭიშკარს შეშა მოაცილეს  და შესასვლელი გაასუფთავეს.

ადიგენის მუნიციპალიტეტის გამგებლის თანაშემწის ლაზარე ჩილინგარაშვილის თქმით, მუნიციპალიტეტმა დახმარება, შეშის სახით, მართლაც გამოყო. თუმცა, მისი თქმით, ამ შეშას მეჩეთთან არანაირი კავშირი არ აქვს. 

„ჭელის მეჩეთთან მხოლოდ 3 კუბამეტრი შეშა იყო დაყრილი. ეს შეშა ჭიშკართან შესასვლელ გზას არ ხერგავდა და არც არაფრს უშლიდა ხელს. შეშა იქვე მცხოვრები ოჯახისთვის იყო გათვლილი. უბრალოდ, სამარშრუტო ტაქსმა ვეღარ დაძრა. ეს ფოტოებიც სპეციალურად გადაიღეს. ხომ იცით, რა სიტუაციაც არის სოფელში და ცდილობენ, გააღვივონ არსებული კონფლიქტი“, - განაცხადა ლაზარე ჩილინგარაშვილმა humanrights.ge-სთან საუბრისას.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC