05:08, Wednesday, 21.10.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კარალეთის დევნილთა ჩასახლებას ტერიტორიული ორგანოს სტატუსი მიენიჭება

26.02.2015

 
ლადო ბიჭაშვილი, შიდა ქართლი

კარალეთის დევნილთა ჩასახლებაში  480 კოტეჯი და 1700 მაცხოვრებელია. მას შემდეგ, რაც დევნილებს საცხოვრებელი ფართები დაუკანონდათ, კოტეჯების ნუმერაცია შეიცვალა, თუმცა სუბსიდიების სააგენტოს მონაცემთა ბაზაში ისევ ძველი ნომრებია მითითებული. დევნილები მოსალოდნელი გაუგებრობებისა და ტექნიკური უზუსტობების თავიდან ასაცილებლად, ქუჩებისთვის სახელწოდებებისა და ნუმერაციის მინიჭებას ითხოვენ, რადგან დევნილთა ჩასახლებაში სოციალური აგენეტი ოჯახის განაცხადის შესამოწმებლად კოტეჯის ნუმერაციის მიხედვით შექმნილი ბაზით ხელმძღვანელობს.

საქმე ისაა, რომ, 2014 წლის თვითმმართველობის რეფორმის შედეგად, გორის მუნიციპალიტეტის გამგეობა ორად გაიყო და ქალაქის მერია შეიქმნა. ორ თვითმმართველ ერთეულს შორის, ტერიტორიების დაზუსტებისას, კომისიამ კარალეთის დევნილთა ჩასახლება ქალაქის მერიას მიაკუთვნა. მერიაში განმარტავენ, რომ დევნილთა ჩასახლებას  ტერიტორიული ორგანოს სტატუსი მიენიჭება და  გორის მუნიციპალიტეტის სოფელ კარალეთის ტერიტორიიდან ქალაქის შემადგენლობაში გადმოვა. შესაბამისად, გორის მერის ერთ-ერთი წარმომადგენელი სწორედ  წმინდაწყლის დევნილთა ჩასახლებაში დაინიშნება.

480 კოტეჯს ექვსი წლის წინ კედლებზე დაწერილი ნომრები აღარ ეტყობა, ნუმერაციის კვალი  ჩასახლებაში წლების განმავლობაში გაფერმკრთალდა, კოტეჯების ნაწილზე კი მიშენებებმა წაშალა. კარალეთის დევნილთა ჩასახლებაში დაზუსტებით არ იციან ხელისუფლების გადაწყვეტილების შესახებ. ისინი ამბობენ,  რომ მათთვის აზრი არავის უკითხავს და ამ სიახლის შესახებ არც ინფორმაცია მიუწოდებიათ. 

,,კოტეჯების ნუმერაცია  შეცვლილია. დარეგისტრირების შემდეგ, ახალი ნომრები მოგვანიჭეს, სოციალური სამსახურის ბაზაში კი ისევ ძველი ნომრებია მითითებული, რაც გაუგებრობას ქმნის“, - აღნიშნა კეხვიდან დევნილმა   ნანა ჯალაბაძემ. 

,,სასწრაფო სამედიცინო დახმარებას რომ გამოვიძახებთ, ადგილზე მოსასვლელად ნახევარი საათი სჭირდებათ, რადგან  დასახლებაში ქუჩებს სახელწოდებები არ აქვთ. თურმე,  ქალაქს მივეკუთვნებით უკვე და აუცილებელია, ქუჩები დაინომროს“, - აცხადებს დევნილი გივი გოჩაშვილი.
დევნილები ქალაქის მერიისგან აღნიშნული პრობლემის დროულად მოგვარებას ითხოვენ.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC