07:15, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმრის ახლობლები ექიმების დასჯას ითხოვენ

07.04.2015

 
შორენა კაკაბაძე, ქუთაისი

ლევან კორტავას ოჯახი ქუთაისის სააპელაციო სასამართლოსთვის სარჩელს ამზადებს. 2013 წლის 12 მაისს გეგუთის მე-14 დაწესებულებაში სასტიკად ნაცემი 24 წლის პატიმრის ახლობლები საქმის ობიექტურ მოკვლევას და დამნაშავეების დასჯას ითხოვენ.

“გვესმის, რომ გარკვეული პირები დაისაჯნენ და დღეს ციხეში სხედან, მაგრამ ეს არ არის საკმარისი. უნდა დაისაჯოს ყველა, ვისაც ლევანის გარდაცვალებაში მიუძღვის ბრალი. დაწყებული იმ ექიმებიდან, რომლებმაც მას, მის მდგომარეობას სათანადო ყურადღება არ მიაქციეს და 24 წლის ბავშვი სასიკვდილოდ გაწირეს," - ახადებენ კორტავას ახლობლები. 
 
მტკიცებულებათა ფალსიფიკაცია, სამსახურებრივი გულგრილობა, სხეულის განზრახ მძმე დაზიანებაში დახმარება, რამაც სიცოცხლის მოსპობა გამოიწვია - ამ ბრალდებებით გამოძიებამ პასუხისგებაში 6 პირი მისცა. მათ შორის არიან გეგუთის მე-14 დაწესებულების თანამშრომლები, ასევე, პატიმრები. თუმცა, კორტავას ოჯახის წევრები მიიჩნევენ, რომ მთავარი დამნაშავე დაკავებული არ არის. ისინი აქცენტს ექიმებზე აკეთებენ და აცხადებენ, რომ ნაცემი პატიმარი საავადმყოფოში გადაყვანის შემდეგ სწორედ მათი  დაუდევრობით გარდაიცვალა. 

ოჯახის მოთხოვნით  ალტერნატიული ექსპერტიზა ჩატარდა, რომლის მიხედვითაც,  „სასჯელაღსრულების დაწესებულებაში ცემის შედეგად მიყენებული ტრავმები, კერძოდ, ქალა-ტვინის ტრავმა პატიმარ კორტავას გარდაცვალების მიზეზი არ შეიძლება გამხდარიყო".

ისინი დასავლეთ საქართველოს ინტერვენციული მედიცინის ცენტრის ექიმების საქმის, მათ მიერ დაშვებული შეცდომების  მოკვლევას ითხოვენ. ამ მოთხოვნით მიმდინარე წლის თებერვალში მათ ქუთაისში, პარლამენტის შენობის წინ აქცია მოაწყვეს და საქმის მასალების, კერძოდ კი, ალტერნატიული ექსპერტიზის შედეგების გაცნობა  პარლამენტის ჯანდაცვისა და სოციალურ საკითხთა კომიტეტის თავმჯდომარისგან მოითხოვეს. თუმცა, როგორც აცხადებენ, ამ ფაქტს ჯერჯერობით რეაგირება არ მოჰყოლია. 

ლევან კორტავას ოჯახის წევრების თქმით, მათ მიმართ ბოლო დროს, სისტემატურად, მუქარის შემცველი სატელეფონო ზარები ხორციელდება.

„გვირეკავენ და გვახსენებენ, რომ ლევანს და ჰყავს. გარდა ამისა, როცა ბავშვის საფლავზე ვართ, ჩვენს სიახლოვეს ყოველთვის ვხედავთ უცნობ ადამიანებს, რომლებიც დაჟინებული მზერით იყურებიან ჩვენკენ", - ახცადებს ლევან კორტავას მამიდა, ხათუნა კორტავა.

აღნიშნულის გამო შს სამინისტროს  კორტავების ოჯახის ადვოკატი ლედი ტუკვაძე მიმართავს. იგი შესაბამის უწყებებს კორტავას ოჯახის წევრების სიცოცხლისა და უსაფრთხოების უზრუნველყოფისკენ მოუწოდებს.

24 წლის ლევან კორტავა 2013 წლის 12 მაისს რუსთავის მე- 6 დაწესებულებიდან გეგუთის მე-14 დაწესებულებაში გადაყვანის შემდეგ ციხის თანამშრომლებმა სასტიკად ცემეს. 23 მაისს მასზე განხორციელებული სხეულის მძიმე დაზიანებების შედეგად (ქალა-ტვინის დახურული ტრავმით განპირობებული  ტვინის მკვეთრად გამოხატული შეშუპება), პატიმარი დასავლეთ საქართველოს ინტერვენციული მედიცინის ცენტრში გარდაიცვალა.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC