06:26, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამედიცინო დახმარების გარეშე დარჩენილი საზღვრისპირა სოფლები

14.04.2015

 
ლადო ბიჭაშვილი, შიდა ქართლი

კოალიცია „ნდობის აღდგენისთვის“ სამუშაო ჯგუფმა შიდა ქართლის სამი სოფელი მოინახულა. კოალიციის წევრები საოკუპაციო ხაზის გასწვრივ მდებარე სოფელ არბოში იმყოფებოდნენ, სადაც მოსახლეობის პრობლემებს გაეცნენ. ადგილობრივები სოფელში სამედიცინო პუნქტების არარსებობაზე საუბრობენ. მოსახლეობას სამედიცინო დახმარების მისაღებად ქალაქ გორში ჩასვლა უწევს.
 
„არავინ ყურადღებას არ გვაქცევს. აუცილებელია, შემოიტანონ წამლები. სოფელში სამედიცინო დახმარება ბევრს სჭირდება, თუმცა მედიკამენტებს ვერ ყიდულობს და ვერც გორში მიდის, რადგან  ხალხს ფინანსურად უჭირს. კარგი იქნება, მეტი ყურადღება მოგვაქციონ, განადგურებული ვართ ხალხი“,- განაცხადა სოფელ არბოში მცხოვრებმა,  ასიათ გვარამაძემ.

მეორე სოფელი, რომელიც კოალიცია „ნდობის აღდგენისთვის“ წევრებმა მოინახულეს, ზარდიაანთკარია. აღნიშნულ სოფელშიც სამედიცინო პუნქტების არარსებობაზე საუბრობენ.

„გორში ჩავდივარ და წამლებს ვყიდულობ. სოფელში არც აბულატორიაა და არც აფთიაქი. ყოველდღიურად მჭირდება მედიკამენტები და თუ მოხერხდება, რომ მედიკამენტები უფასოდ დაგვირიგონ, მადლიერი ვიქნებით“, - განაცხადა ზარდიაანთკარის მკვიდრმა, ცისანა თაზიაშვილმა.

ზარდიაანთკარის გამგებლის წარმომადგენლის, შამილ თუხარელის განცხადებით, მიმდინარე წელს სოფელს ამბულატორია ექნება.

„სოფელში წყლისა და გაზის პრობლემა უკვე მოვაგვარეთ, წელს კი, ამბულატორიის გამართვა იგეგმება, ამისთვის შენობა უკვე არსებობს“,- აღნიშნა შამილ თუხარელმა.

კოალიციის წევრები გუგუტიანთკარის მოსახლეობასაც შეხვდნენ. ადგილობრივების განცხადებით, რამდენიმე ოჯახს სოციალური დახმარება მოუხსნეს, თუმცა როგორც თავად აცხადებენ, მათი ფინანსური მდგომარეობა არ გაუმჯობესებულა. 

კოალიცია „ნდობის აღდგენისთვის“ საქმიანობა ჰელსინკის კომიტეტის ევროკავშირის და ნორვეგიის საგარეო საქმეთა სამინისტროს ფინანსური მხარდაჭერით ხორციელდება. პროექტს, პარტნიორ ორგანიზაციებთან ერთად, ადამიანის უფლებათა ცენტრი ახორციელებს.

ადამიანის უფლებათა ცენტრის იურისტის, ირინე კასრაძის თქმით, პროექტში ჩართულები არიან ჟურნალისტები, სტუდენტები და სამოქალაქო აქტივისტები. მისი თქმით, პროექტის მიზანია, ხელი შეუწყოს ოკუპირებული ტერიტორიის საზღვრისპირა სოფლებში ადამიანის უფლებების დაცვასა და ნდობის აღდგენას.

„სოფლებში ძირითადად სოციალურად დაუცველი მოსახლეობაა. ამ სამი სოფლის ძირითადი პრობლემა მედიკამენტებისა და სამედიცინო პუნქტების არარსებობაა. ჯანდაცვის სამინისტროსთან ერთად ვგეგმავთ ჰუმანიტარულ აქციას. ასევე, ვიმედოვნებთ, ფარმაცევტული კომპანიებიც ჩაერთვებიან ჩვენს აქციაში“,- განაცხადა ირინე კასრაძემ.

კოალიცია „ნდობის აღდგენისთვის“  წევრები, ჰუმანიტარული აქციის ფარგლებში, მედიკამენტების უფასოდ დარიგებას გეგმავს.
 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC