ლელა ხეჩოშვილი, კახეთი
4 -5 აგვისტოს ყვარლის რაიონულ საავადმყოფოს ინტოქსიკაციის ნიშნებით 130–მა ადამიანმა მიმართა. პაციენტებს საერთო ჩივილები აღენიშნებოდათ: ღებინება, თავბრუსხვევა და მაღალი ტამპერატურა. მოწამლულთა უმრავლესობა 2–დან 8 წლამდე ასაკის ბავშვია. 5 აგვისტოს, ოთხი მოზარდი ჯანმრთელობის გაუარესების გამო, თელავის რეფერალურ საავადმყოფოში გადაიყვანეს.
ყვარლის საავადმყოფოში მასობრივი მოწამვლის ფაქტს ადასტურებენ. თუმცა, გამომწვევი მიზეზი ჯერჯერობით არ არის დადგენილი. ადგილობრივების ინფორმაციით, მოწამვლის მიზეზად სასმელი წყალი დასახელდა, რის გამოც, წყალმომარაგების კომპანიის მიერ მოხდა წყლის სინჯების აღება და ლაბორატორიული კვლევისთვის გადაგზავნა. წყალმომარაგების კომპანიის ინფორმაციით, პირველადი ანალიზით სასმელი წყალი სიცოცხლისათვის საფრთხეს არ წარმოადგენს. ამჯერად წყლის მიკრობიოლოგიური ანალიზის პასუხს ელოდებიან და 72 საათში გახდება ცნობილი, თუ რამ გამოიწვია ნეოენტეროვირუსის, სავარაუდოდ, ახალი ფორმის გავრცელება.
საავადმყოფოში დაავადებათა კონტროლის ეროვნული ცენტრის სპეციალისტებიც მუშაობდნენ.
როგორც humanrights.ge-ს ყვარლის საავადმყოფოს მენეჯერმა ზურაბ გაუარაშვილმა აცნობა, კრიზისმა გადაიარა, საავადმყოფოში მოწამვლის სიმპტომებით პაციენტები აღარ შედიან: „საავადყოფოში მდგომარეობა სტაბილურია, კრიზისმა გადაიარა. ღამის 12 საათის შემდეგ არავინ მოუყვანიათ. სულ 133–მა დაავადებულმა მოგვმართა“.
ყვარლის მოსახლეობის თქმით, მხოლოდ ისინი მოიწამლნენ ვინც მდინარე „ბურსას“ წყალს სვამდა. მდინარის სათავე წლების განმავლობაში არ გაწმენდილა. ამ წყალს მომხდარის შემდეგ აღარავინ სვამს და დაავადებაც შეჩერდა.
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
