04:54, Tuesday, 12.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი პროკურატურის ახალი დეპარტამენტის მუშაობას აფასებს

14.08.2015

 
ნათია გოგოლაშვილი

14 აგვისტოს ადამიანის უფლებათა ცენტრის წარმომადგენლებმა პრესკონფერენცია გამართეს. უფლებადამცველები პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მუშაობას უარყოფითად აფასებენ.

ადამიანის უფლებათა ცენტრს მიაჩნია, რომ საქართველოს  მთავარი პროკურატურის ახალი დეპარტამენტი ვერ პასუხობს გამჭვირვალობისა და ანგარიშვალდებულების მინიმალურ  სტანდარტებს, რაც სერიოზულ კითხვებს ბადებს მათი მუშაობის ეფექტურობის კუთხით.

„ექვსი თვის შემდეგ ჯერ კიდევ  ათასობით ადამიანი ელოდება ხელისუფლებისგან  გამოძიების დაწყებას. ჩვენ ვხედავთ, რომ საქართველოში მართლმსაჯულების ხარვეზების აღმოფხვრის ეფექტური მექანიზმი კვლავ არ არსებობს. წამებისა და არაადამიანური მოპყრობის მსხვერპლი ადამიანები ელოდებიან, რომ მათ საქმეებს გამოიძიებენ და დამნაშავეები დაისჯებიან. ჩვენ ვხედავთ, რომ ამ მხრივ, პრაქტიკულად, არაფერია გაკეთებული“, - განაცხადა ადამიანის უფლებათა ცენტრის აღმასრულებელმა დირექტორმა ალეკო ცქიტიშვილმა.

„ახალი დეპარტამენტის მუშაობა საზოგადოებისთვის არ არის განჭვრეტადი. საზოგადოება არ არის საკმარისად ინფორმირებული დეპარტამენტის მუშაობის შედეგებთან დაკავშირებით. ჩვენ შევეცადეთ, რომ გამოგვეთხოვა საჯარო ინფორმაცია ახალი დეპარტამენტიდან და მივიღეთ ხოლოდ მშრალი სტატისტიკური მონაცემები. ამ ეტაპზე ახალი დეპარტამენტი 172 საქმეს აწარმოებს, მათ შორის რვა საქმე წამებისა და  არასათანადო მოპყრობის ფაქტებს ეხება, ხოლო 121 საქმე -საკუთრების ჩამორთმევის ფაქტებს. ჩვენთვის დღემდე გაუგებარია, რა კრიტერიუმების საფუძელზე შეირჩა ის რვა საქმე, რომელსაც ახალი დეპარტამენტი იძიებს მაშინ, როდესაც 2012 წლიდან მთავარ პროკურატურაში ათი ათასობით საჩივარია შესული“, - ამბობს ადამიანის უფლებათა ცენტრის იურიდიული სამსახურის უფროსი  თამარ ავალიანი.

ე.წ. „ყინწვისის საქმეზე“ გასამართლებული ყოფილი პოლიტპატიმრის, ჯემალ გუნდიშვილის თქმით, საქმის გამოძიებას პროკურატურა შეგნებულად აჭიანურებს.

„საქმე ისაა, რომ მთელი ამ ხნის განმავლობაში გამომძიებელმა კუბლაშვილმა, რომელიც გორში ე.წ. „ყინწვისის საქმეს“ წარმართავდა, რამდენჯერმე პირად საუბარში პირდაპირ გვითხრა, ნებართვის გარეშე ჩვენ ამ საქმეს ვერ დავძრავთო. ცოტა ხნის შემდეგ ჩემთვის და ჩემი მეგობრებისათვის ცნობილი გახდა, რომ ამ საქმეზე ზედამხედველი პროკურორი ვინმე გიორგი გაბიტაშვილი იყო, რომელიც დღეს მთავარი პროკურორის მოადგილეა. ეჭვი მაქვს, რომ გიორგი გაბიტაშვილი ხელს უშლის საქმის გამოძიებას“, - აცხადებს ყოფილი პოლიტპატიმარი ჯემალ გუნდიშვილი.

ადამიანის უფლებათა ცენტრი მოუწოდებს მთავარ პროკურატურას, საზოგადოებას მუდმივად მიაწოდოს ინფორმაცია ახალი დეპარტამენტის მუშაობის შესახებ და არსებითად გააუმჯობესოს საზოგადოების მიმართ ანგარიშვალდებულების სტანდარტები.
 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC