ლადო ბიჭაშვილი, შიდა ქართლი
29 ნოემბერს ქ. გორის ცენტრში პოლიციის თანამშრომლებმა ოთხი ახალგაზრდა მამაკაცი დააკავეს. დაკავებულთაგან ერთ-ერთი საკრებულოს წევრ თამარ თედლიაშვილის შვილია. თედლიაშვილის თქმით, დაკავებისას კრიმინალური განყოფილების მორიგე ჯგუფის თანამშრომლებმა ახალგაზრდებს სიტყვიერი და ფიზიკური შეურაცხყოფა მიაყენეს, რაც შემდეგ პოლიციის შენობაშიც გაგრძელდა.
პოლიციის განყოფილებაში დაკითხვა ღამის ორ საათამდე გაგრძელდა, ოთხივე დაკავებული პოლიციამ გაათავისუფლა. პოლიციის თანამშრომლების წინააღმდეგ ახალგაზრდებმა შსს გენერალურ ინსპექციას საჩივრით მიმართეს. ასევე განცხადება დაწერეს სახალხო დამცველის სახელზე. თამარ თედლიაშვილს იმედი აქვს, რომ გენერალური ინსპექცია ფაქტზე ობიექტურ მოკვლევას ჩაატარებს და პოლიციის თანამშრომლები სამსახურეობრივი უფლებამოსილების გადამეტებისთვის დაისჯებიან.
შსს პრესსამსახურში აცხადებენ, რომ გენერალურმა ინსპექციამ საჩივრის საფუძველზე საქმეზე მოკვლევა დაიწყო და გამოძიება მიმდინარეობს.
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
