05:18, Friday, 18.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში Human Rights Watch-ის საქმიანობის შესახებ ფილმის ჩვენება გაიმართა

15.12.2015

 
ლადო ბიჭაშვილი, შიდა ქართლი

10 დეკემბერს, ადამიანის უფლებათა დაცვის საერთაშორისო დღეს, ადამიანის უფლებათა ცენტრმა ნიდერლანდების საელჩოს დაფინანსებით  გორის სასწავლო უნივერსიტეტში Human Rights Watch-ის საქმიანობის შესახებ ფილმის ჩვენება გამართა.  ფილმის ჩვენებას არასამთავრობო ორგანიზაციის წარმომადგენლები, სტუდენტები და ხელისუფლების წარმომადგენლები ესწრებოდნენ.

კეტი ჩევინის და როს კაუფმანის ფილმში -  E-TEAM - „საგანგებო მისიების გუნდი“- ასახულია საერთაშორისო უფლებადამცველი ორგანიზაციის Human Rights Watch-ის საქმიანობა, კერძოდ, ორგანიზაციის საგანგებო მისიების გუნდის მუშაობა მსოფლიოს სხვადასხვა ცხელ წერტილში, როგორიცაა: სირია, ლიბია და კოსოვო. გუნდის წევრები აღწერენ მოვლენებს საკუთარი სიცოცხლის ფასად.  2014 წელს გადაღებული ფილმი 89 წუთი გრძელდება. მასში მთავარი მოქმედი პირები არიან Human Rights Watch-ის მკვლევრები ანა ნეისტატი (რუსეთის ფედერაცია), ულე სოლვანგი (ნორვეგია), პიტერ ბოკერტი და ფრედ აბრაჰამსი. ფილმი ქართულ ენაზე ადამიანის უფლებათა ცენტრის თანამშრომლებმა გაახმოვანეს.

ფილმის ჩვენების შემდეგ დისკუსია გაიმართა, რომლის მოდერატორი „ომისა და მშვიდობის გაშუქების ინსტიტუტის“ სამხრეთ კავკასიის ოფისის ხელმძღვანელი ბექა ბაჯელიძე იყო.

 „ფილმი მძიმე სანახავი იყო. Human Rights Watch-ის წარმომადგენლები საკუთარ სიცოცხლეს რისკავენ სხვების უფლებების დასაცავად. საინტერესო იყო ფილმის ჩვენების შემდეგ გამართული დისკუსიაც“,- აღნიშნა გორის სასწავლო უნივერსიტეტის სტუდენტმა, ნატა გამგებელმა.

ფილმის ჩვენებას ასევე ესწრებოდა ნიდერლანდების საელჩოს წარმომადგენელი თომას დევინთერი. დევინთერის თქმით, ადამიანის უფლებათა საერთაშორისო დღეს ძირითადად დედაქალაქში აღნიშნავენ, ამიტომ საელჩომ ადამიანის უფლებათა ცენტრთან ერთად გადაწყვიტა, ფილმის ჩვენება რეგიონებში გაემართათ.

„ფილმში ნაჩვენები იყო მძიმე კადრები, რაც მიუთითებდა იმაზე, რომ ადამიანის უფლებები არამარტო ომის დროს, არამედ ჩვეულებრივ ცხოვრებაშიც ირღვევა“,-აღნიშნა გორის მერმა ზურაბ ჯირკველიშვილმა. 

„აღსანიშნავია, რომ  საერთაშორისო სისხლის სამართლის სასამართლო გამოძიების დროს აქტიურად იყენებს Human Rights Watch-ის ანგარიშებს და მტკიცებულებებს. სახელმწიფოები კი ითვალისწინებენ Human Rights Watch-ის მკვლევართა შეფასებებს მსოფლიოს ცხელ წერტილებში მიმდინარე სასტიკი დანაშაულების აღსაკვეთად ან შესაჩერებლად“,- განაცხადა ადამიანის უფლებათა ცენტრის წარმომადგენელმა ნანა სანებლიძემ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC