20:38, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საოკუპაციო რეჟიმმა ილია თაყაძე ქართულ მხარეს გადმოსცა

28.10.2016

ილია თაყაძე
 
ლადო ბიჭაშვილი, შიდა ქართლი

26 ოქტომბერს, ინცინდენტების პრევენციისა და მათზე რეაგირების მექანიზმის ფარგლებში გამართული მოლაპარაკებების შედეგად, ცხინვალის იზოლატორიდან რამდენიმე დღის წინ დაკავებული სოფელ კირბალის მკვიდრი, ილია თაყაძე გაათავისუფლეს. საოკუპაციო ხაზიდან სოფელ კირბალის მკვიდრი რუსმა სამხედროებმა  მაშინ დააკავეს, როდესაც ტყეში შეშას აგროვებდა. თაყაძის ოჯახმა ჯარიმის სახით 2 000 რუსული რუბლი გადაიხადა.
 
,,დამაკავეს რუსმა სამხედროებმა, ჯერ გადამიყვანეს სოფელ ღრომში და იქიდან კიდევ ცხინვალის მილიციის იზოლატორში მანქანით წამიყვანეს და ჯარიმის გადახდის შემდეგ გამათავისუფლეს", - აცხადებს კირბალის მკვიდრი ილია თაყაძე.

ინციდენტების პრევენციისა და მათზე რეაგირების მექანიზმის ფარგლებში ერგნეთში რიგით 71-ე შეხვედრაზე, საქართველოს  ხელისუფლების წარმომადგენლებმა იმ პრობლემებზე გაამახვილეს ყურადღება, რომელიც საოკუპაციო ზოლში მაცხოვრებლებს ექმნებათ, მათგან ერთ-ერთი იყო თავისუფლების უკანონოდ აღკვეთა. 

სახელმწიფო უსაფრთხოების სამსახურის საინფორმაციო  ანალიტიკური  ცენტრის  დირექტორის  მოადგილის,  კახა ქემოკლიძის განცხადებით, შეხვედრაზე უკანონო პატიმრობაში მყოფი საქართველოს მოქალაქის გიორგი გიუნაშვილის  გათავისუფლება კიდევ ერთხელ მოითხოვეს.
,,ამ დროისთვის ცხინვალის იზოლატორში იმყოფება საქართველოს 4 მოქალაქე, რომლებიც უკანონო პატიმრობაში არიან. შეხვედრაზე ვისაუბრეთ გიორგი გიუნაშვილის გათავისუფლების საკითხზე, და სანამ ეს პრობლემები არ მოგვარდება ჩვენი დღის წესრიგიდან არ მოიხსნება ეს საკითხები", - განაცხადა კახა ქემოკლიძემ.

ოსური დელეგაციის ხელმძღვანელმა, დავით სანაკოევმა შეხვედრაზე ე. წ. „საზღვრის“ სიახლოვეს დამონტაჟებული ბანერების  დაზიანების ფაქტზე ისაუბრა და ასევე ყურადღება  გაამახვილა  ე.წ.  „საზღვრის“ უკანონოდ  კვეთის ბრალდებით  დაკავებულ  საქართველოს  მოქალაქეებზე.

„6 დაკავებულიდან ნაწილი გათავისუფლებულია, პატიმრობაში მყოფთა საქმეს კი სასამართლო განიხილავს. რაც შეეხება გიუნაშვილს  საქმეს, შესწავლა გრძელდება, მისი ჯანმრთელობის მდგომარეობა დამაკმაყოფილებელია”, - განაცხადა სანაკოევმა.

ერგნეთში ინციდენტების პრევენციისა და მათზე რეაგირების მექანიზმის ფარგლებში მორიგი  შეხვედრა  30 ნოემბერს გაიმართება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC