19:25, Tuesday, 26.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი საპარლამენტო არჩევნებს სამ რეგიონში აკვირდება

30.10.2016

 
ადამიანის უფლებათა ცენტრის დამკვირვებლები საქართველოს პარლამენტის არჩევნების მეორე ტურს დღეს საქართველოს სამ რეგიონში აკვირდებიან. 

ორგანიზაციის მონიტორები და ჟურნალისტები ამჟამად იმყოფებიან: ქვემო ქართლში, მარნეულის ეთნიკური უმცირესობებით დასახლებულ სოფლებში; შიდა ქართლში, კონფლიქტისპირა სოფლებში და ქალაქ ხაშურში; კახეთის რეგიონში - პანკისის ხეობაში და თელავის მუნიციპალიტეტის ეთნიკური უმცირესობებით დასახლებულ სოფლებში.

დამკვირვებელთა ინფორმაციით, შუადღისთვის კენჭისყრის პროცესი, ძირითადად, მშვიდ გარემოში მიმდინარეობს. დაფიქსირებული დარღვევები არჩევნების შედეგზე გავლენას ვერ მოახდენს. შეინიშნება ამომრჩეველთა დაბალი აქტივობა. სამაგიეროდ, საარჩევნო უბნების მიმდებარე ტერიტორიაზე კვლავ გადამეტებულად აქტიურობენ „ქართული ოცნებისა“ და ერთიანი ნაციონალური მოძრაობის კოორდინატორები და აგიტატორები, რომლებიც აღწერენ უბანზე მისულ ამომრჩევლებს და ირიბად ახდენენ ზემოქმედებას მათ არჩევანზე.
 
საპარლამენტო არჩევნების მეორე ტურის მიმდინარეობისას დაფიქსირებული დარღვევების შესახებ ინფორმაცია შევა ადამიანის უფლებათა ცენტრის ანგარიშში, რომელიც მომზადდება ქართულ და ინგლისურ ენებზე. ადამიანის უფლებათა ცენტრის ვიდეოსტუდია hridc.tv, ასევე, მოამზადებს დოკუმენტურ ფილმს 2016 წლის საპარლამენტო არჩევნების მიმდინარეობის შესახებ.

არჩევნების დღეს ადამიანის უფლებათა ცენტრის აღმასრულებელი დირექტორი, ბრიფინგებს გამართავს ფონდ „ღია საზოგადოება - საქართველოს“ მხარდაჭერით გახსნილ მედიაცენტრში, რომლის მეშვეობით არასამთავრობო ორგანიზაციები საზოგადოებას უწყვეტ რეჟიმში აწვდიან საარჩევნო პროცესზე დაკვირვების შედეგებს. მედიაცენტრში ადამიანის უფლებათა ცენტრი ორ ბრიფინგს გამართავს: 16:00 და 20:30 საათზე. 

ადამიანის უფლებათა ცენტრი საპარლამენტო არჩევნების მონიტორინგს ახორციელებს ნორვეგიის ჰელსინკის კომიტეტთან და ფონდ „ღია საზოგადოება - საქართველოსთან“ პარტნიორობით.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC