19:36, Monday, 25.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მე-9 მოწვევის პარლამენტში თანამდებობები გადანაწილებულია

21.11.2016

 
ნათია გოგოლაშვილი

„მე ვისურვებდი 4 წლის თავზე ნაკლებ რადიკალიზმს და მეტ სიმართლეს საქართველოს პარლამენტში. არ დავიშურებ ძალას იმისთვის, რათა ხელი შევუწყო საქართველოში პარლამენტარიზმის შემდგომ განვითარებას და უზრუნველვყო ის, რომ პარლამენტის თითოეულ წევრს ჰქონდეს საპარლამენტო მუშაობაში საკუთარი თავის სათანადო გამოვლენის შესაძლებლობა”, - განაცხადა პარლამენტის ახლადარჩეულმა თავმჯდომარემ, ირაკლი კობახიძემ.

18 ნოემბერს ირაკლი კობახიძე პარლამენტის თავმჯდომარე 118 დეპუტატის მხარდაჭერით გახდა. კენჭისყრის პროცედურის დაწყებამდე რეგისტრაცია 138-მა დეპუტატმა გაიარა. პარლამენტის თავმჯდომარის არჩევა ფარული კენჭისყრით მოხდა. მის წინააღმდეგ ხმა მხოლოდ სამმა დეპუტატმა მისცა, შესაბამისად, ოპოზიციის დანარჩენმა წარმომადგენელმა მის წინააღმდეგ ხმის მიცემისგან თავი შეიკავეს ან კენჭისყრაში მონაწილეობა არ მიიღეს.

პარლამენტის თავმჯდომარის პირველი ვიცე-სპიკერი „ქართული ოცნება - დემოკრატიული საქართველოს" წევრი თამარ ჩუგოშვილი გახდა (120 ხმით ორის წინააღმდგ). ფარული კენჭისყრით აირჩა ასევე შემდეგი ვიცე სპიკერები: გიორგი ვოლსკი - „ქართული ოცნება დემოკრატიული საქართველო (129 - მომხრე, 3 - წინააღმდეგი); ზვიად ძიძიგური - „კონსერვატიული პარტია (129 - მომხრე, 2 - წინააღმდეგი); ილია ნაკაშიძე - აჭარის კვოტით (131 ხმით, 0 -წინააღმდეგი); ირმა ინაშვილი - „საქართველოს პატრიოტთა ალიანსი“ (106 - მომხრე, 24 - წინააღმდეგი); სერგი კაპანაძე - „ერთიანი ნაციონალური მოძრაობა (94 - მომხრე, 15 - წინააღმდეგი). 

18 ნოემბერს მეცხრე მოწვევის პარლამენტის პირველ სხდომაზე კანონმდებლებმა სხვადასხვა კომიტეტის თავმჯდომარეებიც დაამტკიცეს:

აგრარულ საკითხთა კომიტეტის თავმჯდომარე - ოთარ დანელია;
განათლების, მეცნიერებისა და კულტურის კომიტეტის თავმჯდომარე - მარიამ ჯაში;
გარემოს დაცვისა და ბუნებრივი რესურსების კომიტეტის თავმჯდომარე - კახა კუჭავა;
დარგობრივი ეკონომიკისა და ეკონომიკური პოლიტიკის კომიტეტის თავმჯდომარე - რომან კაკულია;
დიასპორისა და კავკასიის საკითხთა კომიტეტის თავმჯდომარე - ზვიად კვაჭანტირაძე;
ევროპასთან ინტეგრაციის კომიტეტის თავმჯდომარე - თამარ ხულორდავა;
თავდაცვისა და უშიშროების კომიტეტის თავმჯდომარე - ირაკლი სესიაშვილი;
იურიდიულ საკითხთა კომიტეტის თავმჯდომარე - ეკა ბესელია;
რეგიონული პოლიტიკისა და თვითმმართველობის კომიტეტის თავმჯდომარე - გიორგი ლილუაშვილი;
საგარეო ურთიერთობათა კომიტეტის თავმჯდომარე - სოფო ქაცარავა;
საპროცედურო საკითხთა და წესების კომიტეტის თავმჯდომარე - გიორგი კახიანი;
საფინანსო-საბიუჯეტო კომიტეტის თავმჯდომარე - ირაკლი კოვზანაძე;
ჯანმრთელობის დაცვისა და სოციალურ საკითხთა კომიტეტის თავმჯდომარე - აკაკი ზოიძე;
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე - სოფო კილაძე;
სპორტისა და ახალგაზადულ საქმეთა კომიტეტის თავმჯდომარე - მიხეილ ყაველაშვილი.
საქართველოს მეცხრე მოწვევის პარლამენტში, ოქტომბერში ჩატარებული პარლამენტის არჩევნების შედეგად, „ქართული ოცნება - დემოკრატიული საქართველოს“ 115 დეპუტატი შევიდა, „ერთიანი ნაციონალური მოძრაობამ“ 27 მანდატი მოიპოვა, „საქართველოს პატრიოტთა ალიანსმა“ - 6, პარტია „მრეწველები“ ერთი მანდატით არიან წარმოდგენილები (ხაშურის მაჟორიტარობის კანდიდატი), საკანონმდებლო ორგანოში, ასევე, შევიდა მაჟორიტარობის მხოლოდ ერთი დამოუკიდებელი კანდიდატი, ყოფილი საგარეო საქმეთა მინისტრი, სალომე ზურაბიშვილი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC