00:08, Sunday, 25.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიტიკური პარტიების უმრავლესობამ რეგიონებში ოფისები დახურა

29.11.2016

 
ლადო ბიჭაშვილი, შიდა ქართლი
                                       
პოლიტიკური პარტიების მიერ წინასაარჩევნო პერიოდში გახსნილი ადგილობრივი ორგანიზაციები, არჩევნების შემდეგ შიდა ქართლში ერთმანეთის მიყოლებით დაიხურა.  დღეის მდგომარეობით, გორში მხოლოდ ორი პარტიის ოფისი ფუნქციონირებს „ქართული ოცნების“ და „ერთიანი ნაციონალური მოძრობის“. 

პოლიტიკური პარტიების წარმომადგენლების ნაწილი ოფისების დახურვას არჩევნების შედეგებს უკავშირებს, მეორე ნაწილი კი აცხადებს, რომ მწირი ფინანსური რესურსიდან გამომდინარე, პოლიტიკური პარტიები მხოლოდ წინასაარჩევნო პერიოდში ახერხებენ რეგიონებში ოფისების დაქირავებას. 

მედეა აბაშიძე „პაატა ბურჭულაძე - სახელმწიფო ხალხისთვის“ წევრი: „ჩვენ პარტიაში ძალიან ბევრი საკითხი ჩემთვისაც პირადად გაუგებარია. მათ შორის არის ოფისების დახურვა. ქვეყანაში პოლიტიკური კულტურა რომ არ არსებობს და მხოლოდ წინასაარჩევნოდ იხსნებიან პარტიების ადგილობრივი ორგანიზაციები, ეს ბევრ რამეზე მეტყველებს“.

გორში ოფისის დაცლა დაიწყეს „ახალი პოლიტიკური ცენტრის“ წარმომადგენლებმაც. როგორც ადგილობრივი ორგანიზაციის ხელმძღვანელი კახა ტოლიაშვილი აღნიშნავს, რამდენიმე თვე ოფისის გარეშე მოუწევთ პარტიული საქმიანობის გაგრძელება.

„საპარლამენტო არჩევნები დამთავრდა. თვითმმართველობის არჩევნებამდე ერთი წელია დარჩენილი და სამწუხაროდ, პარტიის ფინანსური მდგომარეობიდან გამომდინარე, ვერ შევძლებთ ოფისის დაქირავების ხელშეკრულების გაგრძელებას“-განაცხადა ტოლიაშვილმა.

მიუხედავად ბარიერის გადალახვისა, ქ. გორში ოფისი დახურა „პატრიოტთა ალიანსმა“. ადგილობრივ ორგანიზაციაში ამის მიზეზად  საოფისე ფართის სიმცირეს ასახელებენ. მას შემდეგ, რაც ბიუჯეტიდან პოლიტიკური პარტიების დაფინანსების საკითხი გახდა ცნობილი, „პატრიოტთა ალიანსის“ გორის ორგანიზაციის ხელმძღვანელი მამუკა ბაზანდარაშვილმა განაცხადა, რომ ოფისი კვლავ გაიხსნება 2017 წლის თებერვალში.

„ფართი არ გვყოფნიდა ძველ ოფისში და ამიტომ დავხურეთ და თებერვალში უკვე გავხსნით ისეთ ოფისს, რომელიც საპარლამენტო ოპოზიციურ პარტიას შეეფერება“, -განაცხადა ბაზანდარაშვილმა.

ქ. გორის მსგავსად ანალოგიური მდგომარეობა შიდა ქართლის რეგიონის ოთხივე მუნიციპალიტეტში.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC