17:54, Friday, 24.11.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხიდისთავში, სოფლის გაზიფიცირების მოთხოვნით, გზა გადაკეტეს

27.06.2017

 
ლადო ბიჭაშვილი, შიდა ქართლი

26 ივნისს გორის მუნიციპალიტეტის სოფელ ხიდისთავის მოსახლეობამ აქცია გამართა. პროტესტი ბუნებრივი აირის მილების გაყვანამ გამოიწვია, რადგან ხიდისთავის მაცხოვრებლებს უთხრეს, რომ მილები სოფელ ატენის გაზიფიცირებისთვისაა განკუთვნილი და არა სოფელ ხიდისთავისთვის, სადაც აღნიშნული მილები გაჰყავთ.

ლალი ტლაშაძე, სოფელ ხიდისთავში მცხოვრები: „ჩვენი სახლების წინ გადის გაზის მილები და გვეუბნებიან, რომ ჩვენ ბუნებრივი აირით ვერ ვისარგებლებთ. ვითხოვთ, პრობლემის მოგვარებას. სად არიან ხელისუფლების წარმომადგენელები, რომლებიც გვპირდებოდნენ, რომ წელს სოფლის გაზიფიცირება მოხდებოდა, ახლა მოვიდნენ და გაგვცენ პასუხი."

აქციის მონაწილეებს პარლამენტში გორის მუნიციპალიტეტის მაჟორიტარი დეპუტატი თემურ ხუბულური და გორის მუნიციპალიტეტის გამგებლის მოადგილე გელა კაპანაძე შეხვდნენ. ადგილობრივებმა მათ ჰკითხეს, თუ რატომ ხდებოდა სოფელ ხიდისთავის პრობლემების იგნორირება, რაშიც ხელისუფლების წარმომადგენლები არ დაეთანხმნენ. 

„დავაზუსტებ ყველაფერს და შემდეგ ვილაპარაკოთ. არ ვარ ამ საქმის პროფესიონალი, თუმცა, როგორც ვიცი, წნევა არ არის საკმარისი, რათა ბუნებრივი აირი სოფელ ხიდისთავსაც მიეწოდოს. მილები ატენის გაზიფიცირებისთვის გაკეთდა, რაც შეეხება ხიდისთავს, აქ ბუნებრივი აირი უფლისციხიდან და ქვახრელიდან უნდა შემოვიდეს. პროექტზე მუშაობა დაწყებულია“, - განაცხადა პარლამენტის მაჟორიტარმა დეპუტატმა, თემურ ხუბულურმა.

ატენი გორის მუნიციპალიტეტის გამგებლის დავით ონიაშვილის მშობლიური სოფელია, ადგილობრივების ნაწილი სწორედ ამ გარემოებას უკავშირებს ხელისუფლების მხრიდან შერჩევით დამოკიდებულებას. გორის მუნიციპალიტეტის გამგებლის მოადგილე  გელა კაპანაძე აცხადებს, რომ ადგილობრივ ხელისუფლებას თვითმმართველობა და გამგეობა გაზიფიცირების პროექტთან არაფერ შუაშია და მას ენერგეტიკის სამინისტროსთან შეთანხმებით ,,სოკარ ჯორჯია" ახორციელებს.

ხიდისთვის მცხოვრებლებმა პროტესტი დროებით შეაჩერეს, რადგან ადგილზე მისულმა ხელისუფლების წარმომადგენლებმა სიტუაციაში გასარკვევად რამდენიმე დღე ითხოვეს. იმ შემთხვევაში, თუ ხიდისთავის გაზიფიცირების სამუშაოები მიმდინარე წელს არ დაიწყება, ადგილობრივები აქციების განახლებას არ გამორიცხავენ.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ჩატარდა თუ არა თვითმმართველობის არჩევნები დემოკრატიულად?
კი არა არ მაქვს პასუხი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC