23:35, Saturday, 22.07.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მავრთულხლართები, ღობეები, ბანერები და ხნულები - ოკუპაციის დინამიკა

14.07.2017

 
ლადო ბიჭაშვილი, შიდა ქართლი

,,დაიწყო მავრთულხლართებით, გაგრძელდა ღობეებით9, შემდეგ სახე იცვალა და გადავიდა ბანერების უკანონო ინსტალაციაში და ბოლო ფაზა ე.წ. “ბორდერიზაციის პროცესის” სწორედაც გამოისახება  ე.წ. “ხანძარსაწინააღმდეგო ზოლის” დაფიქსირებით საოკუპაციო ზოლზე”, - ასე აღწერს მცოცავი ოკუპაციის დინამიკას სუს-ის ანალიტიკური სამსახურის ხელმძღვანელი კახაბერ ქემოკლიძე.

ინცინდენტების პრევენციის და მათზე რეაგირების ფარგლებში 11 ივლისს ერგნეთში გამართულ შეხვედრაზე ერთ-ერთი მთავარი საკითხი ე.წ. საზღვრის სადერმაკაციო სამუშაოები იყო.  ბერშუეთში ე.წ. საზღვრის აღმნიშვნელი ბანერის დამონტაჟებასთან ერთად ასევე განიხილეს ქარელის მუნიციპალიტეტის სოფლებში: ცერონისში, კნოლევსა და ავლევში ე.წ. ხნულების გაკეთება.

სამივე სოფელი საოკუპაციო ხაზთან მდებარეობს, თუმცა ხნულები დე-ფაქტო მთავრობამ, დღეის მდგომარეობით, უკვე ოკუპირებულ ტერიტორიაზე გააკეთა, რომელიც საქართველოს ხელისუფლების მიერ კონტროლირებადი ტერიტორიისგან მავთულის ღობეებით არის გამიჯნული.   

ერგნეთში გამართულ შეხვედრას ცხინვალის დე-ფაქტო მთავრობიდან მურატ ჯიოევი ესწრებოდა, რომელმაც ქარელის მუნიციპალიტეტის  სამ სოფელში საოკუპაციო საზღვართან გავლებულ ხნულს ხანძარსაწინააღდეგო ზოლი უწოდა.  
რაც შეეხება ბერშუეთში ერთი კვირის წინა აღმართულ ე.წ. საზღვრის აღმნიშვნელ ბანერს, რომლის მიხედვით საოკუპაციო ხაზმა ადგილობრივების ნაკვეთებზე გაიარა ჯიოევი ამბობს: “მოსახლეობას უნდა ეფიქრა, რომ სხვა სახელმწიფოს ტერიტორიაზე არ დაეთესა მოსავალი.“

საქართველოს ხელისუფლების წარმომადგენლები ბერშუეთში  ე.წ. საზღვრის აღმნიშვნელი ბანერის დამონტაჟებას აპროტესტებენ. მათი თქმით, საკითხის განხილვა ჰუმანიტარულ ჭრილში უნდა მოხდეს და ადგილობრივებს ნაკვეთების დამუშავებასთან ერთად  მოსავლის აღების საშუალება უნდა მიეცეთ.

,,ივნისის თვეში დაფიქსირდა ბორდერიზაციის პროცესის გააქტიურება, რაც ცალსახად არის სიღრმისეული პრობლემა, რადგან საოკუპაციო ხაზთან მაცხოვრებლებს ექმნებათ სერიოზული პრობლემები. ამ საკითხის დარეგულირება შესაძლებელია მხოლოდ და მხოლოდ ჰუმანიტარულ ჭრილში. აუცილებელია მათ, ვისაც საოკუპაციო ზოლში აქვთ მიწის ნაკვეთები მიეცეთ, როგორც დამუშავების, ასევე მოსავლის აღების საშუალება”, - აცხადებს კახაბერ ქემოკლიძე.   

გორის მუნიციპალიტეტის სოფელ ბერშუეთის მიმდებარე ტერიტორიაზე,  ე.წ. სამხრეთ ოსეთის რესპუბლიკის ე.წ. საზღვრის აღმნიშვნელი ბანერის აღმართვის შემდეგ  რამდენიმე ადგილობრივის მიწის ნაკვეთი ოკუპირებულ ტერიტორიაზე მოექცა.  დაზარალებულთა შორის არის მერაბ ჩილინდრიშვილი,  რომელიც  ამბობს, რომ ნაკვეთის დამუშავების დროს იქ მხოლოდ ბოძი იდგა, დღეს კი ბოძის ნაცვლად, ქერის ყანაში, ბანერია აღმართული. ოკუპირებულ ტერიტორიაზე დარჩენილ მიწის ნაკვეთიდან მერაბ ჩილინდრიშვილი მოსავლის აღებას ვეღარ ახერხებს და დახმარებას ხელისუფლებისგან ითხოვს.

,,იმედი მაქვს, რომ მოხდება შეთანხმება და შევძლებთ მოსავლის აღებას. მიწის ნაკვეთის დამუშავების დროს ეს ბანერი არ ყოფილა და ჩვეულებრივად გადავდიოდით იმ ტერიტორიაზე, რომელიც დღეს ოკუპირებულია.  ნაკვეთებში შესვლას უკვე გვიკრძალავენ, იქ პატრულირებენ და იმის შიშით, რომ არ დაგვაპატიმრონ, ვეღარ გადავდივართ”,- აცხადებს ჩილინდრიშვილი.

11 ივლისს ერგნეთში  გამართულ შეხვედრაზე ევროკავშირის სადამკვირვებლო მისიის წარმომადგნელებმა წამოაყენეს ინიციატივა, რომ საოკუპაციო ხაზთან მოსავლის აღების საშუალება ფერმერებს მათი მეთვალყურეობის ქვეშ მიეცეთ.
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC