00:18, Monday, 25.09.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სიღნაღში მიუსაფარი ძაღლების მომვლელი მატილდა მირზოევა ცემეს

31.08.2017

 
Reginfo.ge
 
სიღნაღში, გამგეობის შენობის წინ 42 წლის მატილდა მირზოევა ცემეს. მას სხეულის სხვადასხვა დაზიანებები აქვს მიღებული. როგორც მირზოევამ „რეგინფოს“ უთხრა, გუშინ, საღამოს, დაახლოებით 20:00 საათისთვის, ქალაქის ცენტრიდან მიუსაფარი ძაღლის სახლში წაყვანას ცდილობდა, რა დროსაც მას თავს დაესხა 22 წლის ახალგაზრდა მამაკაცი და ფიზიკური შეურაცხყოფა მიაყენა.
 
„7 წელია რაც უპატრონო ძაღლებს ვუვლი. ერთი ასაკოვანი ძაღლი გვყავს. გვიან საღამოს რომ მოვიკითხე, სახლში არ იყო. დედამ მითხრა, გარეთ კვადროციკლებით დარბიან და ვინმემ არ დაარტყას, ნახე და შემოიყვანეო. როცა გავედი, ვნახე, რომ სკვერში იყო. სახლში მომყავდა, ვამხნევებდი რომ გამომყოლოდა. 17 წლის არის და სიარული უჭირს. ვიღაც ახალგაზრდა ბიჭმა გინება დამიწყო. მოვუწოდე, რომ გინება შეეწყვიტა და გზა გავაგრძელე. უფრო გაღიზიანდა. უცენზურო სიტყვებით ხმამაღლა მაგინებდა. რას დასდევ ამ ძაღლებს, მეტი საქმე არ გაქვსო და გინებას აგრძელებდა. პასუხი რომ გავეცი, მომვარდა და სახეში, თავში, ხელებში ცემა დამიწყო. სისხლი რომ წამსკდა, მერე შემეშვა. ჩემი 11 წლის შვილიც იქ იყო და ის მივარდა, დედას ხელი გაუშვიო“, – ამბობს მატილდა მირზოევა.
 
ახალგაზრდა სავარაუდოდ ნასვამ მდგომარეობაში იმყოფებოდა. ის თბილისიდან სიღნაღში ნათესავებთან დასასვენებლად იმყოფება.
 
პოლიციამ მომხდარის მოკვლევა უკვე დაიწყო. 
 
„დღეს, ჩემთან სიღნაღის გამგეობიდან მოვიდნენ და მითხრეს, ისე ნუ იზამ, რომ საქმე ძალიან გაართულოო. რაღა უნდა გავართულო. მიუსაფარ ძაღლებს თვითონ ვერ უვლიან, მე ვუვლი უანგაროდ, საკუთარი ხარჯებით, უამრავი ძაღლი გადავარჩინე სიკვდილს, ამის გამო მცემეს და ხმაც არ უნდა ამოვიღო“, – აღნიშნავს მატილდა მირზოევა.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC