14:10, Thursday, 23.11.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აფხაზური ენის დაცვის მიზნით სახელმწიფო პროგრამა შეიქმნება

01.11.2017

ფოტო - news.ge
 
Civil Georgia

საქართველოს მთავრობა, აფხაზური ენის დაცვისა და განვითარების მიზნით, სახელმწიფო პროგრამის ამოქმედების ინიციატივით გამოდის.

პროგრამის ფარგლებში, სახელმწიფო დააფინანსებს სასწავლო და სამეცნიერო დაწესებულებების, მკვლევარების და სხვა დაინტერესებული პირების ინიციატივებს, რომელიც აფხაზური ენის შესწავლას, დაცვასა და განვითარებას მოემსახურება. პროგრამის ადმინისტრირებას განათლებისა და მეცნიერების სამინისტრო და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ერთობლივად განახორციელებენ.

ახალი სახელმწიფო პროგრამის ამოქმედების ინიციატივა საზოგადოებას პრემიერ-მინისტრმა გიორგი კვირიკაშვილმა, 27 ოქტომბერს, აფხაზური ენის დღეს, გააცნო. 

მან „აფხაზ ძმებს და დებს“  აფხაზური ენის დღე მიულოცა და აღნიშნა, რომ „ეს პროგრამა იქნება ძალიან მნიშვნელოვანი  საფუძველი ნდობის  აღდგენის პროცესში“. 

„მჯერა, რომ აფხაზური ენისა და კულტურის მიმართ ჩვენი გულწრფელი და სიღრმისეული დამოკიდებულება ძალიან მნიშვნელოვანი იქნება იმ დამწვარი ხიდების აღდგენის პროცესში, რომელიც აუცილებელია ჩვენი ერთიანობისთვის", - განაცხადა კვირიკაშვილმა.

აფხაზური ენის დაცვის მნიშვნელობაზე საუბარია საქართველოს პრეზიდენტის, გიორგი მარგველაშვილის, განცხადებაშიც, რომელშიც ქვეყნის მეთაური „აფხაზ თანამოქალაქეებსა და მთელ ქართულ საზოგადოებას“ აფხაზური ენის დღეს ულოცას. 

„აფხაზური კულტურა ჩვენი საერთო ისტორიისა და, ღრმად მწამს, რომ საერთო მომავლის განუყოფელი ნაწილია“, - აღნიშნავს პრეზიდენტი. „მინდა აფხაზმა თანამოქალაქეებმა იცოდნენ, რომ ჩვენ ვესწრაფით დღეს, როდესაც მომავლის სახელით შევძლებთ წარსულის მტკივნეულ გამოცდილებაზე ამაღლებას და ერთ - მშვიდობის, სიყვარულისა და თანამშრომლობის ენაზე საუბარს“, - ნათქვამია მარგველაშვილის განცხადებაში. 

საქართველოს კონსტიტუციით, აფხაზურ ენას, ქართულ ენასთან ერთად, აფხაზეთის ავტონომიურ რესპუბლიკაში, აქვს სახელმწიფო ენის სტატუსი. 

აფხაზეთის ავტონომიური რესპუბლიკის მთავრობას, რომელიც სეპარატისტულ რეგიონში 90–იანი წლების კონფლიქტის შემდეგ თბილისის მიერ ერთადერთ ლეგიტიმურ მთავრობად განიხილება, 2015 წლის შემდეგ აფხაზური ენის კლასები აქვს გახსნილი ზუგდიდის, თბილისის და სენაკის ოთხ სკოლაში.   

2017 წლიდან აფხაზური ენა ბათუმის ორ სკოლაშიც ისწავლება.



Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC